توقاەۆتىڭ قوعامدىق شتابى قالاي جۇمىس ىستەپ جاتىر

8 كۇن ىشىندە قازاقستان رەسپۋبليكاسى پرەزيدەنتتىگىنە كانديدات قاسىم-جومارت توقاەۆتىڭ قوعامدىق قابىلداۋىنا سايلاۋشىلاردان 3460 ۇسىنىس پەن تىلەك ءتۇستى. ونىڭ 640-ى toqaev2022.kz سايتى ارقىلى كەلگەن.

ۇسىنىستىڭ باسىم بولىگى الەۋمەتتىك قامسىزداندىرۋ – 598 (21,2%), تۇرعىن ءۇي-كوممۋنالدىق شارۋاشىلىق – 492 (17,4%), جەر قاتىناستارى – 358 (12,7%), ءبىلىم بەرۋ – 210 (7,4%) سالالارىنا قاتىستى.

«ازاماتتار كەلىپ, كانديداتتان نە كۇتەتىنى تۋرالى ءوز ۇسىنىستارىن ايتادى. سونداي-اق سايلاۋعا قاتىستى كەز كەلگەن ماسەلە بويىنشا كەڭەس الۋعا بولاتىن call-ورتالىعى جۇمىس ىستەيدى», قابىلداۋ ءبولىمىنىڭ مەڭگەرۋشىسى ءاليا سادىرباەۆا.

قازاقستان بويىنشا 227 قابىلداۋ بولىمىندە سايلاۋشىلارمەن كەزدەسۋلەر وتكىزىلىپ جاتىر. ونىڭ ىشىندە 689 كەزدەسۋ, 2 مىڭنان استام ادام قابىلداندى.