وزبەكستان ولي ءماجليسى سەناتىنىڭ ءتورايىمى تانزيلا نارباەۆا قر پارلامەنت سەناتىنىڭ توراعاسى ماۋلەن اشىمباەۆپەن كەزدەسۋ كەزىندە قازاقستان پرەزيدەنتى قاسىم-جومارت توقاەۆتىڭ ادىلەتتى قازاقستاندى قۇرۋ جولىندا جۇرگىزىپ جاتقان اۋقىمدى رەفورمالارىنىڭ ماڭىزدىلىعىن اتاپ ءوتتى, دەپ حابارلايدى Egemen.kz.
سونداي-اق, تانزيلا نارباەۆا قازاقستان تاراپىن ءىرى حالىقارالىق ءىس-شارالاردى, سونىڭ ىشىندە بيىلعى جىلدىڭ قىركۇيەك ايىندا وتكەن الەمدىك جانە ءداستۇرلى دىندەر كوشباسشىلارىنىڭ VII سەزىن ءساتتى وتكىزۋىمەن قۇتتىقتادى.
«قازاقستان الەمنىڭ تۇكپىر-تۇكپىرىندەگى ادامدار كەلگىسى كەلەتىن, سونىڭ ىشىندە پرەزيدەنتتەرىڭىزدىڭ باستاماسىمەن جۇرگىزىلىپ جاتقان وزگەرىستەرمەن تانىسۋعا ىنتالى ادامداردىڭ باسىن قوساتىن ءىرى حالىقارالىق ءىس-شارالاردى ۇيىمداستىرۋشى جانە وتكىزۋشى ورتالىققا اينالۋدا. قازاقستان كونستيتۋتسياسىنا بۇكىل ەلدىڭ يگىلىگىنە قىزمەت ەتەتىن ماڭىزدى وزگەرىستەر ەنگىزە الدى. ءبىز ەلدەرىڭىزدە بولىپ جاتقان وزگەرىستەردى مۇقيات قاداعالاپ وتىرمىز», دەدى تانزيلا نارباەۆا.
اڭگىمەلەسۋ بارىسىندا پارلامەنتتەر پالاتالارىنىڭ باسشىلارى قازاقستان مەن وزبەكستان اراسىنداعى ىنتىماقتاستىق جونىندەگى كوميسسيا جۇمىسىنىڭ وڭ ديناميكاسىن اتاپ ءوتىپ, ونىڭ ەكى پالاتانىڭ ءوزارا ءىس-قيمىلىنا جۇيەلى سيپات بەرەتىنىن, اتاپ ايتقاندا, پارلامەنتتىك باقىلاۋ جۇمىسىن كۇشەيتۋگە مۇمكىندىك بەرەتىنىن جەتكىزدى.
ء«بىز زاڭ شىعارۋ جۇمىسىندا تاجىريبە الماسۋعا مۇددەلىمىز, سەبەبى ءبىزدىڭ ەلدەردەگى پروبلەمالاردى شەشۋ مەن جاعدايدى باعدارلاۋدا كوزقاراستارى ۇقساس كەلەدى. ءتيىستى كوميتەتتەردىڭ, ونىڭ ىشىندە كەڭەستەر مەن ءماسليحاتتاردىڭ, جاستار مەن ايەلدەر ۇيىمدارىنىڭ وڭىرلىك ىنتىماقتاستىعى بويىنشا ءوزارا ءىس-قيمىلىن كۇشەيتۋ ماڭىزدى», دەدى تانزيلا نارباەۆا.
ول سونداي-اق 2023 جىلى وزبەكستاندا قازاقستاننىڭ كاسىپكەر ايەلدەرىنىڭ قاتىسۋىمەن بيزنەس-فورۋم وتكىزۋدى ۇسىندى.
ءوز كەزەگىندە ماۋلەن اشىمباەۆ تانزيلا نارباەۆاعا پارلامەنتارالىق ىنتىماقتاستىقتى قۇرۋداعى اشىقتىعى جانە باستاما كوتەرگەن جوبالارى ءۇشىن العىسىن ءبىلدىردى.