پرەمەر-مينيستر ءاليحان سمايىلوۆ ۇكىمەت جانىنداعى تەحنولوگيالىق ساياسات جونىندەگى كەڭەستىڭ وتىرىسىن وتكىزدى, دەپ حابارلايدى Egemen.kz ۇكىمەتتىڭ رەسمي پاراقشاسىنا سىلتەمە جاساپ.
«دۇنيەجۇزىلىك زياتكەرلىك مەنشىك ۇيىمىنىڭ جىل سايىنعى جاھاندىق رەيتينگىن تالداۋ قورىتىندىسى بويىنشا يننوۆاتسيالىق ەكوجۇيەسىنىڭ تيىمدىلىگىن ارتتىرۋ جونىندە ۇسىنىستار ازىرلەندى» دەلىنگەن رەسمي حابارلامادا.
اتاپ ايتقاندا:
ازاماتتاردىڭ دەنساۋلىعى مەن ءومىر ءسۇرۋ ساپاسىن جاقسارتۋ ماقساتىندا دەنساۋلىق ساقتاۋ جۇيەسىن جەتىلدىرۋ ءۇشىن MedTech جوباسى; ەكولوگيالىق تازا اۋىل شارۋاشىلىعى ونىمدەرىن ءوندىرۋدى دامىتۋ ءۇشىن AgriTech جوباسى; «جاسىل» تەحنولوگيا, ەنەرگيانى ءتيىمدى پايدالانۋ مەن ۇنەمدەۋ ءۇشىن GreenTech سىندى جاڭا تەحنولوگيالاردى ەنگىزۋ ۇسىنىلىپ وتىر.سونداي-اق پرەمەر-مينيستر يننوۆاتسيالىق ورتالىقتاردى قۇرۋ بويىنشا الەمدىك تاجىريبەنى تالداۋ قاجەتتىگىن اتاپ ءوتتى.