1 قاراشادان باستاپ استانا-پاۆلودار باعىتىنداعى تىكەلەي اۋە رەيستەرى اشىلادى, دەپ حابارلايدى Egemen.kz.
مەملەكەت باسشىسىنىڭ پاۆلودار وبلىسىنا جۇمىس ساپارىنىڭ قورىتىندىسى بويىنشا استانا-پاۆلودار باعىتى بويىنشا تىكەلەي اۋە رەيستەرىن اشۋ تاپسىرىلعان بولاتىن. وسىعان وراي يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياتسيا كوميتەتى ءتيىستى جۇمىستاردى جۇرگىزدى.
ناتيجەسىندە بيىلعى جىلدىڭ 1 قاراشاسىنان باستاپ «Qazaq Air» اۆياكومپانياسى اپتاسىنا 4 رەت جيىلىكپەن الەۋمەتتىك ماڭىزى بار استانا-پاۆلودار اۆيامارشرۋتىن ىسكە قوستى. اتالعان باعىتتاعى بيلەتتەر قۇنى 10 مىڭ تەڭگە كولەمىندە, ساتىلىم بۇگىن باستالادى.