قازاقستاندا قىرعىزستاننىڭ مادەنيەت كۇندەرى باستالدى

مادەنيەت جانە سپورت مينيسترلىگىنىڭ مالىمەتىنشە, ءىس-شارالار باعدارلاماسىندا كورمەلەر, كونتسەرتتەر, دوڭگەلەك ۇستەلدەر, فيلمدەر كورسەتۋ جانە ت.ب. بار. مادەنيەت كۇندەرى 29 قازانعا دەيىن جالعاسادى.

العاشقى ماڭىزدى شارا «كەرۋەن» سوو-دا قىرعىز كينوسى كۇندەرىنىڭ اشىلۋى بولدى. كينوكورسەتىلىمنىڭ العاشقى كۇنىندە «اكىركى كوچ» (رەجيسسەر مۇقۇل ب.), «داراك ىرى» (رەجيسسەر دايىربەكوۆ ا.), «شامبالا» (رەجيسسەر ا. سۋيۋندۋكوۆ), «كول» (رەجيسسەر ا. سۋيۋندۋكوۆ) كينوكارتينالارى ۇسىنىلادى. ايتا كەتۋ كەرەك, كينو كۇندەرىنىڭ اشىلۋىنا قىرعىز رەسپۋبليكاسىنىڭ مادەنيەت, اقپارات, سپورت جانە جاستار ساياساتى ءمينيسترى التىنبەك ماقسۇتوۆ قاتىستى.

سونداي-اق ۇلتتىق اكادەميالىق كىتاپحانادا ەكى ەلدىڭ زيالى قاۋىم وكىلدەرىنىڭ «تۇركى الەمىنىڭ قوس الىبى: اۋەزوۆ جانە ايتماتوۆ» فورۋمى ءوتتى.  ءىس-شارانىڭ نەگىزگى ماقساتى - ەكى ەل اراسىنداعى گۋمانيتارلىق بايلانىستاردى نىعايتۋ. اتاپ ايتقاندا, تاراپتار ەكى ۇلى جازۋشى مۇحتار اۋەزوۆ پەن شىڭعىس ايتماتوۆ شىعارماشىلىعىنىڭ مادەنيەتارالىق ىنتىماقتاستىقتاعى ءرولىن تالقىلادى. فورۋم جۇمىسىنا مەملەكەتتىك ورگانداردىڭ وكىلدەرى, كورنەكتى قوعام قايراتكەرلەرى, قازاقستان مەن قىرعىز رەسپۋبليكاسىنىڭ شىعارماشىلىق جانە عىلىمي زيالى قاۋىمى وكىلدەرى قاتىستى.

27 قازاندا قازاقستان رەسپۋبليكاسىنىڭ ۇلتتىق مۋزەيىندە «باستاۋ» كورمەسىنىڭ اشىلۋى وتەدى. كورمەنىڭ ماقساتى-كەلۋشىلەردى قىرعىز ونەرىنىڭ ءىرى شەبەرلەرىنىڭ شىعارمالارىمەن تانىستىرۋ.

سونداي-اق بۇل كۇنى قىرعىز ونەر شەبەرلەرىنىڭ گالا-كونتسەرتى وتەدى, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترى تەاترىنىڭ فويەسىندە قىرعىزستاننىڭ تاريحي-مادەني مۇراسى مەن قولونەرىنىڭ كورمەسى وتەدى.

سونىمەن قاتار 28 قازاندا «ماناس» ەپوسىنا ارنالعان ءىس-شارا جانە نۇردين تۇگەلوۆ اتىنداعى «اق مارال» مەملەكەتتىك بي ءانسامبلى مەن چالاگىز يساباەۆ اتىنداعى «كامباركان» فولكلورلىق-ەتنوگرافيالىق ءانسامبلىنىڭ كونتسەرتى جوسپارلانعان.

29 قازاندا مادەنيەت كۇندەرىنىڭ سالتاناتتى جابىلۋى وتەدى, وندا توكتوبولوت ءابدىمومىنوۆ اتىنداعى قىرعىز ۇلتتىق اكادەميالىق دراما تەاترىنىڭ «سامانشىن جولۋ» سپەكتاكلى كورسەتىلەدى.

بۇگىن سونداي-اق كورشى ەلدىڭ مادەنيەت كۇندەرى اياسىندا قازاقستان رەسپۋبليكاسى مادەنيەت جانە سپورت ءمينيسترى داۋرەن اباەۆ قىرعىز رەسپۋبليكاسىنىڭ مادەنيەت, اقپارات, سپورت جانە جاستار ساياساتى ءمينيسترى التىنبەك ماقسۇتوۆپەن كەزدەستى. كەزدەسۋ بارىسىندا ەكى ەل اراسىنداعى مادەني-گۋمانيتارلىق ىنتىماقتاستىق ماسەلەلەرى, اتاپ ايتقاندا استانادا ماناس ەسكەرتكىشىن ورناتۋ, «ەۋرازيا» كينوفەستيۆالىن جانە كوشپەندىلەردىڭ دۇنيەجۇزىلىك ويىندارىن وتكىزۋ ماسەلەلەرى تالقىلاندى.