اۋلاسىندا اتىپ كەتتى

وقىس وقيعا اكادەميك سات­با­ەۆ كوشەسى, 40 مەكەنجا­يى بويىن­شا ورنالاسقان كوپ­قاباتتى تۇرعىن ءۇيدىڭ اۋلاسىن­دا بولعان. قاي­عى­لى وقيعا تۋرا­لى كۋاگەرلەر حابارلاعان. وب­لىستىق جەدەل جاردەم ستانساسىندا ەر ادامنىڭ قاي­تىس بولعانىن راستادى. «وق جا­را­قاتى تۋرالى حابارلاما 15 قازان كۇنى, ساعات 11:43-تە ءتۇستى. جەدەل جاردەم بريگاداسى شۇ­عىل­­­دىقتىڭ ءبىرىنشى ساناتى بو­يىنشا شىعىپ, التى مينۋتتا جەتتى», دەپ حابارلادى جەدەل جار­دەم ستانساسىنىڭ ءباسپاسوز قىزمەتى. دارىگەرلەر 40 جاستاعى ەر ادامنىڭ جان تاپسىرعانىن انىق­تاعان. وق ىشىنە ءتيىپتى.

پاۆلودار قالاسىنداعى سول­تۇس­تىك پوليتسيا ءبولىمىنىڭ باس­تىعى بەكزادا بولەجانوۆتىڭ حابارلاۋىنشا, وقيعا ورنىنان ءىزىن سۋىتىپ ۇلگەرگەن كۇدىكتىنى جەدەل ىزدەستىرۋ شارالارى جۇرگىزىلگەن. نا­تيجەسىندە, پوليتسەيلەر كۇدىك­تىنى پاۆلودار – ومبى تاس جولىندا توقتاتىپ, قولعا ءتۇسىردى. ول «تويوتا كامري 70» كولىگىنە وتىرىپ, قالادان اۋلاققا قاشىپ كەتۋگە ارەكەتتەنگەن بولۋى كەرەك. قۇقىق قورعاۋ ورگاندارى قىز­مەتكەرلەرىنە مويىنداۋ تۇسى­نىكتەمەلەرىن بەردى. اتالعان فاكت نەگىزىندە قىلمىستىق كودەك­ستىڭ 99-بابى بويىنشا سوت­قا دەيىنگى تەرگەۋ باستالدى. كۇدىك­تى پاۆلودار قالاسىنداعى ۋا­قىت­­شا ۇستاۋ وقشاۋلاعىشىنا قامالىپ, وقيعانىڭ ءمان-جايى مەن سەبەپتەرى انىقتالۋدا. ۇس­تال­عان ازاماتتىڭ جاسى – 67-دە, ول قا­ي­تىس بولعان ازاماتتىڭ قا­يىن اتاسى ەكەن.

پاۆلودار