قازاقستانداعى ءتيىمدى يپوتەكالىق باعدارلامالار

7-20-25. وپەراتورى – قازاقستاندىق تۇراقتىلىق قورى

باستاپقى جارنا-پاتەر قۇنىنىڭ 20%, مەرزىمى 25 جىلعا دەيىن جانە مولشەرلەمەسى 7%. تۇرعىن ءۇيدى تەك باستاپقى نارىقتا ساتىپ الۋعا بولادى. استانا, الماتى جانە ولاردىڭ قالا ماڭىنداعى ايماقتارى, اقتاۋ, اتىراۋ جانە شىمكەنت ءۇشىن تۇرعىن ءۇيدىڭ ەڭ جوعارى قۇنى – 25 ملن تەڭگە, قاراعاندى, تۇركىستان ءۇشىن – 20 ملن تەڭگە, باسقا وڭىرلەر ءۇشىن – 15 ملن تەڭگە.

2022 جىلدىڭ 22 قازانىنا وسى باعدارلاما بويىنشا بولىنگەن 1 ترلن تەڭگەدەن 732,8 ملرد تەڭگە سوماسىنا 56 144 نەسيە بەرىلدى. وپەراتوردىڭ بولجامى بويىنشا قاراجاتتى تولىق يگەرۋ 2023 جىلدىڭ I توقسانىنىڭ سوڭىندا كۇتىلەدى.

نۇرلى جەر (5-20-25). وپەراتورى – وتباسى بانكى

باعدارلاما بويىنشا باستاپقى نارىقتان ءۇي الۋعا بولادى. باستاپقى جارنا – 20%-دان, 25 جىلعا دەيىن جانە مولشەرلەمەسى 5%. باعدارلاماعا اكىمدىكتە كەزەكتە تۇرعان ازاماتتار عانا قاتىسا الادى. وتباسىنىڭ ءاربىر مۇشەسىنە سوڭعى التى ايداعى تابىس 3,7 ەڭ تومەنگى كۇنكورىس دەڭگەيىنەن (2022 جىلى 133,2 مىڭ تەڭگە) جوعارى بولماۋى ءتيىس.

اكىمدىكتەر نەسيەلىك تۇرعىن ءۇيدىڭ قۇرىلىسىن جانە ساتىلۋىن 1 شارشى مەترگە بەلگىلەنگەن باعامەن قارجىلاندىرادى:

- 240 مىڭ تەڭگەگە دەيىن – الماتى;

- 220 مىڭ تەڭگەگە دەيىن – نۇر-سۇلتاندا جانە ونىڭ قالا ماڭىنداعى ايماعىندا;

- 200 مىڭ تەڭگەگە دەيىن – شىمكەنت پەن الماتى ماڭى ايماعىندا;

- اقتوبە, اتىراۋ, اقتاۋ, تۇركىستان, قاراعاندى جانە قوستاناي وبلىستارىندا – 180 مىڭ تەڭگەگە دەيىن;

- قالعان وڭىرلەردە – 160 مىڭ تەڭگەگە دەيىن.

 باكىتتى وتباسى (2-10-20). وپەراتورى – وتباسى بانكى

كوپبالالى وتباسىلار جانە مۇگەدەك بالالارى بار وتباسىلار رەتىندە ساناتتا تۇرعاندارعا ارنالعان باعدارلاما. تۇرعىن ءۇيدى باستاپقى جانە قايتالاما نارىقتاردا ساتىپ الۋعا بولادى. باستاپقى جارنا – 10%-دان, مولشەرلەمە – 20 جىلعا دەيىنگى مەرزىممەن جىلدىق 2%-دان. تۇرعىن ءۇيدى ءسىز اكىمدىكتە كەزەكتە تۇرعان ايماقتا عانا ساتىپ الۋعا بولادى.

اسكەري باسپانا. وپەراتورى - وتباسى بانكى

بۇل يپوتەكالىق باعدارلاما قۇقىق قورعاۋ ورگاندارىنىڭ قىزمەتكەرلەرىنە, ىشكى ىستەر جانە ارناۋلى مەملەكەتتىك ورگانداردىڭ قىزمەتكەرلەرىنە قولجەتىمدى. قارىزدى جىلدىق 3,5%-دان 8%-عا دەيىنگى مولشەرلەمە بويىنشا الۋعا بولادى. تۇرعىن ءۇي ساتىپ الۋ قازاقستاننىڭ كەز كەلگەن قالاسىندا قولجەتىمدى.

جاس وتباسى. وپەراتورى – وتباسى بانكى

جاس وتباسىلارعا ارنالعان باعدارلاما. ول باستاپقى جانە قايتالاما نارىقتارعا تارالادى. سونداي-اق نەسيەنى ۋچاسكەنى ساتىپ الۋعا, ءۇي سالۋعا نەمەسە بار تۇرعىن ءۇيدى جوندەۋگە پايدالانۋعا بولادى. مولشەرلەمە – 6%, مەرزىمى – التى جىلدان توعىز جىلعا دەيىن, قارىز سوماسى – 100 ملن تەڭگەگە دەيىن. نەسيە الۋ ءۇشىن ەرلى-زايىپتىلاردىڭ بىرەۋى نەمەسە ەكەۋى دە الدىمەن وتباسى بانكىندە جاڭا دەپوزيت اشىپ, وعان كەم دەگەندە ءبىر جىل سالىم سالۋ كەرەك. سالىم اشىلعان ۋاقىتقا نەكەدە تۇرۋ مەرزىمى بەس جىلدان اسپاۋى ءتيىس.

ءوز ءۇيىم. وپەراتورى – وتباسى بانكى

ءوتىنىش بەرگەن كەزدە كەمىندە 500 مىڭ تەڭگە جيناعان وتباسى بانكىنىڭ بارلىق سالىمشىلارى ءۇشىن قولجەتىمدى يپوتەكا. باستاپقى جارنا – 50%-دان, نەسيە مەرزىمى – 25 جىلعا دەيىن, مولشەرلەمە – 3,5%-دان 5%-عا دەيىن, قارىز سوماسى – 90 ملن تەڭگەگە دەيىن. تۇرعىن ءۇيدى قۇرىلىس كەزەڭىندە ۇلەسكە قاتىسۋ ارقىلى ساتىپ الۋعا نەمەسە سالىنىپ جاتقان نىساندا پاتەر تاڭداۋعا بولادى. تۇرعىلىقتى مەكەنجاي بويىنشا تىركەلۋ تالاپ ەتىلمەيدى جانە ساتىپ الىناتىن تۇرعىن ءۇي سانىنا شەكتەۋلەر جوق.

قايتالاما نارىقتاعى تۇرعىن ءۇي. وپەراتورى – وتباسى بانكى

باعدارلاماعا قاتىسۋ ءۇشىن سىزدە كەمىندە ءۇش جىل جيناقتاۋ مەرزىمى بار وتباسى بانكىندە دەپوزيت بولۋى كەرەك. اقشانى پاتەر ساتىپ الۋعا, جوندەۋگە نەمەسە يپوتەكانى قايتا قارجىلاندىرۋعا پايدالانۋعا بولادى. قازىردىڭ وزىندە اتىڭىزدا تۇرعىن ءۇيدىڭ بولۋى ماڭىزدى ەمەس. نەسيە بويىنشا مولشەرلەمە جىلدىق 7,5%-دان 8,5%-عا دەيىن, باستاپقى جارنا – 50%, نەسيە بەرۋ مەرزىمى – 25 جىلعا دەيىن.

وتباسى بانكىندە نەسيەنىڭ ءۇش ءتۇرى بار: الدىن-الا, ارالىق جانە تۇرعىن ءۇي. ولار بويىنشا مولشەرلەمەلەر 3,5%-دان 8,5%-عا دەيىن, ال نەسيە سوماسى – 100 ملن تەڭگەگە دەيىن.

الاتاۋ جاستارى. وپەراتورى – وتباسى بانكى

الماتى وبلىسىنىڭ جاستارىنا ارنالعان جاڭا جەڭىلدەتىلگەن باعدارلاما. نەسيەلەۋدىڭ ەڭ جوعارى سوماسى – 10 ملن تەڭگە. نەسيە مولشەرلەمەسى 5%, مەرزىمى 19 جىلعا دەيىن. باعدارلاماعا كەمىندە ءبىر جىل ەڭبەك ءوتىلى بار 35 جاستان اسپاعان ءوڭىر تۇرعىندارى قاتىسا الادى. سونداي-اق قاتىسۋشى وبلىستا كەمىندە ءبىر جىل تۇرۋى كەرەك.