مەملەكەت باسشىسى قاسىم-جومارت توقاەۆتىڭ قاتىسۋىمەن «اقوردا» رەزيدەنتسياسىنىڭ الدىندا رەسپۋبليكا كۇنىنە ارنالعان مەملەكەتتىك تۋ كوتەرۋ ءراسىمى ءوتتى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
ءراسىم بارىسىندا قۇرمەت قاراۋىلىنىڭ باستىعى مەملەكەت باسشىسىنا راپورت بەردى. كەيىن پرەزيدەنتتىڭ بۇيرىعىمەن ەلىمىزدىڭ مەملەكەتتىك تۋى كوتەرىلىپ, ءانۇران ورىندالدى.
«بيىل ۇلتتىق مەرەكە رەتىندە قايتا جاڭعىرعان رەسپۋبليكا كۇنىن ەل كولەمىندە اتاپ ءوتۋ وسىنداي سالتاناتتى شارامەن باستالدى. مەملەكەتتىك تۋ كوتەرۋ ءراسىمى وڭىرلەردە دە جالعاسادى», دەلىنگەن حابارلامادا.