بۇل تۋرالى قر ساۋدا جانە ينتەگراتسيا ءمينيسترى سەرىك جۇمانعارين ءماجىلىس وتىرىسىندا ايتتى, دەپ حابارلايدى Egemen.kz.
«قازاقستان رەسپۋبليكاسى پرەزيدەنتىنىڭ 2022 جىلعى 1 قىركۇيەكتەگى جولداۋىنا سايكەس, قازىرگى كەزەڭدە كوبىرەك ينۆەستيتسيا سالعان شەتەلدىك بيزنەسمەندەرگە 10 جىلعا ۆيزا الۋ مۇمكىندىگىن بەرۋگە باعىتتالعان زاڭ جوباسىن ازىرلەۋ جۇمىستارى جۇرگىزىلۋدە. 300 000 دوللاردان استام قازاقستان ەكونوميكاسىنا سالىنسا, قر تۇرۋعا رۇقسات الۋ قۇقىعى بەرىلەدى», دەدى ساۋدا جانە ينتەگراتسيا ءمينيسترى سەرىك جۇمانعارين.
بۇل تۇستا, قانداي ينۆەستيتسيا ەكەندىگى دە باعالانادى.
«ياعني, قازاقستان ەكونوميكاسىنا مۋلتيپليكاتيۆتى اسەر بەرەتىن ينۆەستيتسيالار (بيۋدجەتكە سالىق تۇسىمدەرى تۇرىندەگى قوسىمشا قارجىلىق تۇسىمدەر, جاڭا جۇمىس ورىندارىن قۇرۋ جانە ت.ب.) قارالادى», دەپ ءتۇسىندىردى سيم باسشىسى.