سەناتتىڭ الەۋمەتتىك-مادەني دامۋ جانە عىلىم كوميتەتىنىڭ دەپۋتاتتارى استانا مەديتسينا ۋنيۆەرسيتەتىنە بارىپ, وقۋ ورداسىنىڭ ۇجىمىمەن كەزدەستى. كەزدەسۋدىڭ ماقساتى – ءبىلىم بەرۋ مەكەمەسىنىڭ قىزمەتىمەن تانىسۋ جانە وتاندىق دەنساۋلىق ساقتاۋ سالاسىنىڭ دامۋ بارىسىن زەردەلەۋ.
ساپار بارىسىندا سەناتورلارعا راديوبيولوگيا جانە رادياتسيالىق قورعاۋ ينستيتۋتىنداعى جۇمىستار كورسەتىلدى, سونداي-اق ستۋدەنتتەردىڭ العان ءبىلىمىن ءىس جۇزىندە پىسىقتايتىن سيمۋلياتسيالىق ورتالىقتىڭ قىزمەتى تۋرالى ايتىلدى.
قازىر جوعارى وقۋ ورنىندا 10 مىڭنان اسا جاس وقيدى, ونىڭ ىشىندە جاقىن جانە الىس شەتەلدەگى 20 ەلدەن كەلگەن 1 100 شەتەلدىك ستۋدەنت بار.
سەنات كوميتەتىنىڭ توراعاسى ناريمان تورەعاليەۆ ۋنيۆەرسيتەت جوعارى بىلىكتى قىزمەتكەرلەردى دايارلاۋمەن قاتار سالانىڭ دامۋىنا ەلەۋلى ۇلەس قوسىپ كەلە جاتقانىن اتاپ ءوتتى.
«استانا مەديتسينا ۋنيۆەرسيتەتىنە ساپار پرەزيدەنتتىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىن ىسكە اسىرۋ اياسىندا «دەنساۋلىق ساقتاۋدا عىلىمنىڭ, ءبىلىمنىڭ جانە كلينيكالىق پراكتيكانىڭ بىرتۇتاستىعى: جاي-كۇيى, پروبلەمالارى جانە شەشۋ جولدارى» تاقىرىبىنداعى دوڭگەلەك ۇستەلگە ازىرلىك بارىسىنداعى شارالاردىڭ ءبىر بولىگى بولىپ سانالادى. وسىنداي كەزدەسۋلەردە كوتەرىلەتىن بارلىق ماسەلەلەر مەن پروبلەمالاردى الداعى ۋاقىتتا ءتيىستى مەملەكەتتىك ورگانداردىڭ الدىنا قوياتىن بولامىز», دەدى دەپۋتات.
دەپۋتاتتار كەزدەسۋدى قورىتىندىلاي كەلىپ, ساپاردىڭ ماڭىزدى ءارى ناتيجەلى بولعانىن اتاپ ءوتتى. ولاردىڭ پىكىرىنشە, قاتىسۋشىلاردىڭ ارقايسىسى زاڭناما ەرەجەلەرىن ىسكە اسىرۋ تۋرالى جان-جاقتى تۇسىنىك الدى.