پاۆلودارداعى مەكتەپتەردىڭ بىرىندە بولعان جانجال تەكسەرىلۋدە

«14 قازان كۇنى ساعات 17.26-دا پاۆلودار قالاسىنىڭ پوليتسياسىنا تكاچەۆ كوشەسىندە ورنالاسقان مەكتەپتىڭ وقۋشىلارى اراسىنداعى جانجال فاكتىسى بويىنشا حابارلاما كەلىپ ءتۇستى. پوليتسيا قىزمەتكەرلەرى ءۇزىلىس كەزىندە ساعات 16.35-تە باسپالداق الاڭىندا 7-ءشى جانە 8-ءشى سىنىپتاردىڭ (2008 جانە 2009 جىلى تۋعان) ەكى وقۋشىسى اراسىندا يىق سوقتىعىسۋىنا بايلانىستى جانجال تۋىنداعانىن انىقتادى. كامەلەتكە تولماعانداردىڭ ءبىرى ەكىنشىسىنىڭ بەتى مەن جەلكە ايماعىنا كەڭسە پىشاعىمەن دەنە جاراقاتىن سالعان, سونداي-اق ءوزىنىڭ وڭ قولىنىڭ ساۋساقتارىن جاراقاتتاعان», دەپ حابارلادى جەرگىلىكتى پوليتسيا قىزمەتىنىڭ اعا ينسپەكتورى اراي تولەمىسوۆا.

كامەلەتكە تولماعاندار اۋرۋحاناعا جەتكىزىلىپ, تەكسەرۋدەن كەيىن ەكەۋى دە ۇيگە امبۋلاتوريالىق نەگىزدە جىبەرىلگەن.

جابىرلەنۋشىنىڭ اتا-اناسى ارىز بەرۋدەن باس تارتتى.

دەنە جاراقاتىن كەلتىرگەن وقۋشىنىڭ زاڭدى وكىلدەرىنە قاتىستى قر اقبتك-ءنىڭ 127-بابى بويىنشا اكىمشىلىك ءىس قوزعالدى.