«ورتالىق ازيا – رەسەي» سامميتىندە قاسىم-جومارت توقاەۆ تمد ەلدەرىنىڭ مەملەكەت قايراتكەرلەرىن ارانداتۋشىلىق سيپاتتاعى سوزدەردەن اۋلاق بولۋعا شاقىردى, دەپ حابارلايدى Egemen.kz
«قازىرگى الەمدە اقپاراتتىق كەڭىستىكتەگى كەلەڭسىز جايتتاردىڭ الدىن الۋ جونىندەگى ءوزارا ءىس-ارەكەتتەردىڭ ماڭىزدىلىعى ارتىپ كەلەدى. تسيفرلىق تەحنولوگيالاردىڭ, الەۋمەتتىك جەلىلەر مەن مەسسەندجەرلەردىڭ قارقىندى دامۋى جاعدايىندا ورىنسىز ايتىلعان كەز كەلگەن ءسوز, اسىرەسە جاستار اراسىندا وشپەندىلىك پەن ەتنوسارالىق ارازدىق تۋعىزۋى مۇمكىن. سونىڭ سالدارىنان قوعامداعى بىرلىك پەن كەلىسىمدى نىعايتۋعا باعىتتالعان كوپجىلعى كۇش-جىگەر زايا كەتەدى», دەدى ول.
سونداي-اق داۋ-جانجال مەن دۇربەلەڭدى بولدىرماۋ ءۇشىن سالالىق ۆەدومستۆولار مەن قوعامدىق ۇيىمدار تىعىز ىنتىماقتاستىق ورناتىپ, ءتۇسىندىرۋ جۇمىستارىن بارىنشا بەلسەندى جۇرگىزۋگە ءتيىس دەگەندى ايتتى.
«كوپ نارسە ءبىزدىڭ مەملەكەت قايراتكەرلەرىمىزدىڭ ساياسي جاۋاپكەرشىلىگىنە دە بايلانىستى. وكىنىشكە قاراي, كەيبىر ەلدەردە سەرىكتەس مەملەكەتتەرگە قاتىستى ارانداتۋشىلىق سيپاتتاعى سوزدەر ايتىلىپ ءجۇر. مۇنداي جاعداي اشۋ-ىزا تۋعىزاتىنى زاڭدىلىق جانە دەسترۋكتيۆتى كۇشتەر ءۇشىن ۇتىمدى بولماق», دەدى قاسىم-جومارت كەمەل ۇلى.