الماتى اكىمى ەربولات دوساەۆ الداعى ۋاقىتتا اتى اڭىزعا اينالعان «ازيا داۋىسى» مۋزىكالىق فەستيۆالىن قايتا جانداندىرۋدى جوسپارلاپ وتىرعانىن ايتتى, دەپ حابارلايدى Egemen.kz.
اۋەزوۆ اۋدانىنىڭ تۇرعىندارىمەن كەزدەسۋ بارىسىندا قالا اكىمىنەن ءىرى مۋزىكالىق شارالاردى وتكىزۋ جايى سۇرالدى. قالا تۇرعىندارىنىڭ ايتۋىنشا, ديماش قۇدايبەرگەننىڭ سوڭعى كونتسەرتى قالاعا كوپتەگەن تۋريستەردى تارتتى. تۇرعىندار قالادا يمانبەكتىڭ كونتسەرتىن جانە باسقا دا اۋقىمدى مۋزىكالىق شارالاردى وتكىزۋگە بولاتىنىن اتاپ ءوتتى.
ء«ماسليحات قولداعان الماتىنى دامىتۋ باعدارلاماسىندا اۋقىمدى جوسپارلارىمىز بار. جىل سايىن ادامداردى تارتۋ ءۇشىن كەم دەگەندە 30 تۇراقتى ءىس-شارا وتكىزۋدى جوسپارلاپ وتىرمىز, ول ماسەلە قازىر پىسىقتالۋدا. مادەنيەت جانە سپورت مينيسترلىگىمەن بىرلەسىپ, «ازيا داۋىسى» جانە باسقا دا تاريحي قالىپتاسقان مۋزىكالىق فەستيۆالدار مەن ءىس-شارالاردى جاڭعىرتۋ جوسپارىمىزدا بار», دەدى ەربولات دوساەۆ.
اكىمنىڭ ايتۋىنشا, ديماش قۇدايبەرگەننىڭ ورتالىق ستاديونداعى كونتسەرتى سوڭعى 25 جىلدا العاش رەت ۇيىمداستىرىلىپ, قالا بيلىگى ءۇشىن تاجىريبە بولدى. ەندى ولار مەدەۋگە تاۋ مۋزىكاسى فەستيۆالىن قايتارماقشى.