تايلاندتا 14 جاسقا دەيىنگى تەننيسشىلەر اراسىنداعى ازيا چەمپيوناتى اياقتالدى. جەكەلەي سىندا قازاقستاندىق اريانا گوگۋلينا مەن البينا كاكەنوۆا التىن جۇلدەگە قول جەتكىزدى, دەپ حابارلايدى Egemen.kz.
قتف ءباسپاسوز قىزمەتى مالىمدەگەندەي, قىزداردىڭ التىن مەدالدارىنان بولەك, كوماندالىق ەسەپتە كاپيتان ۆلاديمير چەستنوۆ باستاعان قازاقستان قۇراماسى جاقسى ناتيجە كورسەتىپ, ءبىرىنشى ورىندى يەلەندى.
14 جاسقا دەيىنگى قازاقستاندىق كوماندانىڭ تۋرنيرلىك كەستەدەگى سوڭعى جەڭىسىنە البينا كاكەنوۆا (استانا), اريانا گوگۋلينا (استانا), ارسەني ترەبۋحين (الماتى) جانە ولجاس ەسەنالى (استانا) جەتتى.