ۇلتتىق ستاتيستيكا بيۋروسى ۇسىنعان دەرەكتەرگە قاراعاندا, جىل باسىنان بەرى حالىق سانى 163,7 مىڭ ادامعا نەمەسە 0,8%-عا ءوستى, دەپ حابارلايدى Egemen.kz.
2022 جىلدىڭ 1 قىركۇيەگى قازاقستاندىقتاردىڭ سانى 19 ملن 666 مىڭ 800 ادامدى قۇرادى. بۇل رەتتە قالالاردا 12 ملن 131 مىڭ 100 ادام (61,7%), اۋىلدىق جەرلەردە 7 ملن 535 مىڭ 700 ادام (38,3%) تۇرادى.
رەسپۋبليكا حالقىنىڭ تابيعي ءوسىمى وتكەن جىلدىڭ سايكەس كەزەڭىمەن سالىستىرعاندا 8 اي ىشىندە 3,6% عا تومەندەپ, 172,4 مىڭ ادامدى قۇرادى.
احات ورگاندارىنىڭ دەرەكتەرى بويىنشا قاڭتار-تامىز ايلارىندا قازاقستاندا 263,8 مىڭ ءسابي دۇنيەگە كەلدى, بۇل 2021 جىلدىڭ ءتيىستى كەزەڭىمەن سالىستىرعاندا 11%-عا از.
كورسەتىلگەن ۋاقىت ارالىعىندا 91,4 مىڭ ادام قايتىس بولدى, بۇل وتكەن جىلدىڭ قاڭتار-تامىزىنا قاراعاندا 22,3%-عا از.
سابيلەر ولىمىنە كەلەتىن بولساق, بۇل كورسەتكىش تە 5,8%-عا تومەندەدى.