ۇلتتىق ستاتيستيكا بيۋروسىنىڭ مالىمەتىنشە, 2022 جىلدىڭ قاڭتار-تامىزىندا قازاقستاننىڭ ەاەو ەلدەرىمەن تاۋار اينالىمى 17 ملرد 280 ملن 700 مىڭ دوللاردى قۇرادى, بۇل وتكەن جىلمەن سالىستىرعاندا 4,5%-عا ارتىق, دەپ حابارلايدى Egemen.kz ۇلتتىق ستاتيستيكا بيۋروسىنا سىلتەمە جاساپ.
بۇگىندە تاۋار ەكسپورتى 5 496,5 ميلليون دوللاردى قۇراپ, 8 پايىزعا ارتىق كورسەتكىشتى كورسەتسە, يمپورت 2,9 پايىزعا ءوسىپ, 11 784,2 ميلليون دوللارعا جەتكەن.
اتاپ ايتقاندا, ەلىمىزدىڭ ەاەو ەلدەرىمەن سىرتقى ساۋدا اينالىمى رەسەيمەن – 92,5%, ودان كەيىن قىرعىزستان – 4%, بەلارۋس – 3,4% جانە ارمەنيا – 0,1%.
بۇل رەتتە ەاەو ەلدەرىمەن ەكسپورتتىڭ ەڭ ۇلكەن ءوسىمى (2 ەسە) حيميالىق ەلەمەنتتەردە بايقالعان. ال تەمىر كەندەرى مەن كونتسەنتراتتارى بويىنشا, ونىڭ ىشىندە كۇيگەن ءپيريتتى قوسا العاندا 73,6%-عا تومەندەگەن.
يمپورتتا قارا مەتالداردان جاسالعان دوڭگەلەك قيماسى بار قۇبىرلار مەن باسقا دا تۇتىكتەردە 4 ەسە ءوسىم بايقالادى. اۆتوكولىكتەر مەن باسقا دا اۆتوكولىكتەر بويىنشا 69,6%-عا تومەندەۋ بايقالدى.