تاجىكستان رەسپۋبليكاسىنىڭ پرەزيدەنتى ەمومالي راحموندى ەلوردا اۋەجايىندا قر پرەمەر-ءمينيسترى ءاليحان سمايىلوۆ قارسى الدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
تاجىكستان پرەزيدەنتى ازياداعى ءوزارا ءىس-قيمىل جانە سەنىم شارالارى جونىندەگى VI سامميتكە, تمد مەملەكەت باسشىلارى كەڭەسىنىڭ وتىرىسىنا جانە «ورتالىق ازيا – رەسەي» سامميتىنە قاتىسادى. 12-13 قازاندا استانادا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI ءسامميتى وتەدى, وعان بارلىعى 50-گە جۋىق دەلەگاتسيا قاتىسادى.
14 قازاندا ەلوردادا تمد مەملەكەت باسشىلارى كەڭەسىنىڭ وتىرىسى وتەدى, ونىڭ اياسىندا ۇيىم قىزمەتىنىڭ نەگىزگى ماسەلەلەرى تالقىلانادى. وتىرىسقا ازەربايجان, ارمەنيا, بەلارۋس, قازاقستان, قىرعىزستان, رەسەي, تۇرىكمەنستان, تاجىكستان جانە وزبەكستان باسشىلارى قاتىسادى.
سونىمەن قاتار 14 قازاندا استانادا «ورتالىق ازيا – رەسەي» ءسامميتى وتەدى. وندا ساۋدا, مادەنيەت, قاۋىپسىزدىك جانە ت.ب. سالالارداعى وڭىرلىك ىنتىماقتاستىق ماسەلەلەرى تالقىلانادى.