جەڭىمپازدار انىقتالدى

حالىقارالىق ەرەجەلەرگە ساي وتكەن فينالدىق جارىستارعا وڭىرگە بەلگىلى كاسىبي سپورتشىلار مەن جاتتىقتىرۋشىلار تورەلىك ەتتى.

تۋرنير تورەشىلەرىنىڭ ءبىرى, «توبىل» باسكەتبول كلۋبىنىڭ بۇرىنعى ويىنشىسى لەونيد ءاداموۆيچتىڭ ايتۋىنشا, «Jasliga» جارىسىنىڭ ءوڭىر سپورتىنىڭ دامۋىنا, جاستاردىڭ سالاماتتى ءومىر سالتىنا بەيىمدەلۋىنە ىقپالى مول. سونداي-اق اۋەسقوي سپورت تۋرنير­لەرىن دامىتۋ تالانتتى جاس­تاردىڭ كاسىبي كلۋبتارعا ىلى­گۋىنە مۇمكىندىك بەرەدى.

– مۇنداي جارىستار, ەڭ الدى­مەن, اۋەسقوي سپورتشىلاردىڭ با­سىن بىرىكتىرىپ, جاستاردى بوس ۋاقىتىن پايدالى ىسكە جۇمساۋعا ۇيرەتەدى. بۇگىن سىنعا ءتۇسىپ جاتقان كوماندالاردىڭ وسالى جوق. قاي-قايسىسى دا الاڭعا جە­ڭىس ءۇشىن شىققانىن دالەلدەپ باعۋدا. «Jasliga» ەندى جىل سايى­ن تۇراقتى تۇردە ءوتىپ تۇراتىن ءداس­تۇرلى سپورت شارالارىنىڭ قا­تارىنا ەنەتىنىنە سەنىمدىمىن. بۇل – جاڭا جوبا, سوندىقتان كەلەسى جىلى جارىسقا قاتىساتىن اۋەس­قوي كوماندالاردىڭ سانى كوبەيە تۇسەتىنى ءسوزسىز, – دەدى ل.ادا­مو­ۆيچ.

«Jasliga»-نىڭ فۋتزالدان وت­كەن فينالدىق ويىندارىن­دا ستارت» كومانداسىن 2:1 ەسە­بىمەن ۇتقان رۋدنىيدىڭ «قاس­قىر» كومانداسى ءۇشىنشى ورىن­عا يە بولدى. باس جۇلدە ءۇشىن وتكەن تارتىستى باسەكەدە «اس­تىقجان» كومانداسىنان 1 ۇپاي ەسەپ ايىرماشىلىعىمەن باسىم تۇسكەن «سالاۆات» تۋرنير جەڭىمپازى اتانىپ, قوستانايلىق جانكۇيەرلەردىڭ مەرەيىن ۇستەم ەتتى.

باسكەتبولدان وتكەن كەزدە­سۋلەردە شەبەر ويىن كور­سەتىپ, ەشكىمگە دەس بەرمەگەن قوستا­نايدىڭ «شانس» كومانداسى جەڭىس تۇعىرىنا كوتەرىلدى. «رۋدنىي» كومانداسى ەكىنشى ورىندى ەن­شىلەسە, «Brawl Stars» ءۇشىنشى ورىن­عا يە بولدى.

ۆولەيبول ءتۋرنيرىنىڭ باس جۇلدەسى «نامىس» كومانداسىنىڭ قانجىعاسىندا كەتتى. جەڭىمپازعا 1 ۇپاي ەسە جىبەرگەن «قىزبەل» كومانداسى – ەكىنشى ورىندا. «كپۆك»-نى ايقىن باسىمدىقپەن ۇتقان «لوكوموتيۆ» جۇلدەلى ءۇشىن­شى ورىندى قاناعات تۇتتى.

«Jasliga» ويىندارىنىڭ جۇلدە قورى شامامەن 2 ملن تەڭگەگە جە­تىپ جىعىلادى. بۇقارالىق سپورت­تى دامىتۋ ماقساتىندا «Deni sau urpak – ult bolashagy» ۇرا­­نىمەن قولعا الىنعان جاڭا جو­بانى وبلىستىق جاستار رەسۋرسى ورتالىعى مەن قوعامدىق دا­مۋ باسقارماسى ۇيىمداستىرىپ وتىرعانىن ايتا كەتكەن ءجون.

قوستاناي وبلىسى