بۇگىن پرەمەر-مينيستر ءاليحان سمايىلوۆ ەلىمىزدىڭ گاز سالاسىن كەشەندى دامىتۋ ماسەلەلەرى بويىنشا كەڭەس وتكىزدى. وعان پرەمەر-ءمينيستردىڭ ءبىرىنشى ورىنباسارى رومان سكليار, ءبىرىنشى ەنەرگەتيكا ۆيتسە-ءمينيسترى مۇرات جۇرەبەكوۆ جانە «QazaqGaz» ۇك» اق باسقارما توراعاسى سانجار جاركەشوۆ قاتىستى, دەپ حابارلايدى Egemen.kz primeminister.kz-كە سىلتەمە جاساپ.
كەڭەستە 2030 جىلعا دەيىن گازبەن قامتاماسىز ەتۋ بولجامى, سونداي-اق جاڭا گاز كەن ورىندارىن يگەرۋدى ىنتالاندىرۋ جانە تاۋارلىق گاز ءوندىرىسىن ۇلعايتۋ شارالارى قارالدى.
وسىلايشا, مەملەكەت باسشىسىنىڭ تاپسىرماسى بويىنشا بىرقاتار رەتتەۋشىلىك جانە فيسكالدىق ارتىقشىلىقتى كوزدەيتىن جەر قويناۋىن پايدالانۋعا ارنالعان جاقسارتىلعان مودەلدىك كەلىسىمشارت ەنگىزىلەدى. بۇل گاز سالاسىنداعى قولدانىستاعى جانە پەرسپەكتيۆالى جوبالاردى ىسكە اسىرۋدى جانداندىرۋعا, سونداي-اق تاۋارلىق گازدىڭ رەسۋرستىق بازاسىن كەمىندە 7,7 ملرد م3 ۇلعايتۋعا مۇمكىندىك بەرەدى.
سونىمەن قاتار ۇكىمەت گاز ساتىپ الۋدىڭ ىنتالاندىرۋشى باعالارىن قولدانۋ ماسەلەسىن پىسىقتاۋدا, بۇل ونى ءوندىرۋ كولەمىن 1 ملرد-تان 3 ملرد م3 دەيىن قوسىمشا ارتتىرۋدى قامتاماسىز ەتەدى.
پرەمەر-مينيستر ەنەرگەتيكا مينيسترلىگى مەن «QazaqGaz» ۇك» اق-نىڭ ەلدىڭ رەسۋرستىق بازاسىن دامىتۋ جونىندەگى تاسىلدەرىن ماقۇلداپ, وسى باعىتتاعى كەشەندى جۇمىستى كۇشەيتۋدى تاپسىردى.
سونداي-اق ەلدىڭ سولتۇستىك جانە شىعىس ايماقتارىن گازداندىرۋ ماسەلەلەرى تالقىلاندى. ءاليحان سمايىلوۆ ىقتيمال تەحنيكالىق نۇسقالاردى ەگجەي-تەگجەيلى پىسىقتاۋدى جانە ءتيىستى جول كارتاسىن دايىنداۋدى تاپسىردى.