مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ ەڭبەك سىڭىرگەن قايراتكەرى, كورنەكتى مۋزىكاتانۋشى, فيلولوگ, پروفەسسور ناۋم گريگورەۆيچ شافەردىڭ قايتىس بولۋىنا بايلانىستى كوڭىل ايتتى, دەپ حابارلايدى Egemen.kz پرەزيدەنتىڭ ءباسپاسوز قىزمەتىنە سىلتەمە جاساپ.
«ناۋم گريگورەۆيچ ۇلكەن ءومىر جولىنان ءوتتى. ارتىنا بىرەگەي ادەبي-مۋزىكالىق مۇرا قالدىردى. شاكىرت تاربيەلەگەن ۇلاعاتتى ۇستاز بولدى. ول بۇكىل سانالى عۇمىرىن مىڭداعان مۋزىكالىق شىعارما مەن كىتاپتى, سونىڭ ىشىندە قازاق حالىق اۋەندەرىنىڭ جازبالارىن جيناۋعا ارنادى. ناۋم گريگورەۆيچتىڭ جارقىن بەينەسى ءبىزدىڭ جۇرەگىمىزدە ماڭگى ساقتالادى», دەپ جازىلعان جەدەلحاتتا.