اقسۋ – مۇمكىندىكتەر شاھارى

اقسۋدا قاتارىنان ەكىنشى جىل جۇزەگە اسىرىلعان «Tugan Qala» باعدارلاماسى تۇرعىن­دار­دى قالانى كوركەيتۋگە جۇمىل­دى­رۋدى كوزدەيدى. تەتىگى وتە قارا­پايىم: تۇرعىندار ارنايى پور­تالدا ءوز جوباسىن ۇسىنادى, ودان سوڭ داۋىس بەرۋ ارقىلى جۇزەگە اسىرىلاتىن ۇزدىك جوبالاردى انىقتايدى. وعان قاجەتتى قاراجات ERG مەن پاۆلودار وبلىسى اكىمدىگى اراسىندا جىل سايىن جاسالاتىن مەموراندۋمدا قاراستىرىلعان. بىلتىر جە­ڭىم­پاز دەپ تانىلعان 16 جوبا بيىل ىسكە اسىرىلدى.

اتاپ ايتقاندا, مۇندا جاڭا­دان بالالار جانە سپورت الاڭ­دارى, جاياۋ جۇرگىنشى جولدارى, كولىك جانە ۆەلوتۇراقتار, ايالداما پاۆيلونى مەن قوعامدىق اجەتحانا سالىنىپ, قايىق ستانساسى مەن قالالىق جاعاجاي ابات­تان­دىرىل­دى. اسىرەسە جاعا­لاۋ وسى جازدا ادام تانىماستاي وزگەردى. تۇر­عىن ماكسيم دۋن­دۋ­كوۆ ۇسىن­عان جوبا ارقىلى ەرتىستىڭ ارناسى تازارتىلدى. بۇل ىستە ەۋرازيا ەنەر­گە­تي­كا كورپوراتسياسى كومەك قولىن سوزدى. بالشىق سورعىش كەمە بەرىپ, قۇم تاسىپ, اعاش تاپشاندار مەن شايىناتىن كابينالار ورناتتى.

ال اسىل ءامىروۆتىڭ جوبا­سى­نىڭ ناتيجەسىندە جاعاجاي اۋما­عى ينكليۋزيۆتى سيپات الدى. ارباعا تاڭىلعان جاندار بۇرىن جاعا­جايعا سيرەك كەلەتىن. ەندى جاعداي وزگەردى.

– مۇمكىندىگى شەكتەۋلى ادام­دار ءۇشىن جاعاجايعا كەلىپ, قىز­دى­رىنىپ جاتۋىنا مۇمكىن­دىكتەر قاراستىرىلماعان ەدى. اربادا وتىرعان قالا تۇرعىن­دا­رىنىڭ لايىقتى دەمالىسىنا جاعداي تۋدىرۋ كەرەك ەكەنىن جوبامدا كورسەتتىم. ونىڭ ۇستىنە بۇل ءۇشىن كوپ دۇنيە قاجەت ەمەس ەدى, جولدار مەن شەزلونگتەر الاڭىن جابدىقتاپ, سۋعا قاراي ەڭىس جاساسا جەتىپ جاتىر. ءبىز بۇل مۇم­كىندىكتەردى ىسكە اسىردىق. سو­نى­مەن قاتار قاۋىپسىزدىك ءۇشىن قورشاۋى بار قوسىمشا ايماق قا­راس­تىردىق, – دەيدى جوبا اۆتورى اسىل ءامىروۆ.

قۇپتالىپ, ومىرشەڭ ەتىلگەن جوبا اۆتورلارىنىڭ باسىم بولى­گى – ERG كاسىپورىندارىنىڭ قىزمەتكەرلەرى. اقسۋ فەررو­قو­رىت­پا زاۋىتىنىڭ ديرەكتورى ۆالەنتين ءچيچيحيننىڭ سوزىنە قاراعاندا, وسىنىڭ ءبارى كەزىندە يننوۆاتورلار فورۋمىنداعى «الەۋمەتتىك جوبالار» باعىتىنان باستالعان. بۇگىندە ول ەلىمىزدىڭ بەس قالاسىندا جۇزەگە اسىرىلاتىن «Tugan Qala» دەپ اتالاتىن تۇتاس باعدارلاماعا اينالدى.

– ءبىزدىڭ ساۋلەتتى شاھا­رى­مىز­دا بەلسەندى, قالا ومىرىنە بەيجاي قارامايتىن ادامدار تۇراتىنى قۋانتادى. كومپانيا كوپ­شىلىكتىڭ ىنتاسىن جاقسى ءتۇسى­نىپ, تۇرعىنداردىڭ وزدەرى تاڭ­داۋ جاسايتىن جوبالارعا مۇ­رىندىق بولعانى كوڭىلىمىزدى مار­قايتتى. بۇل – «Tugan Qala» جوباسىنىڭ العاشقى قارلىعاش­تا­رى, مۇنداي جوبالار ءالى دە كوبەيەتىنىنە سەنىمدىمىن, – دەيدى اقسۋ قالاسىنىڭ اكىمى نۇرلان دۇيسەمبينوۆ.

قازىر مەتاللۋرگتەر شا­ھا­رىن­دا «Tugan Qala» جوبا­سى­نىڭ ەكىنشى ماۋسىمى ءوتىپ جاتىر. ۇز­دىك باستامالاردى انىقتاۋ ءۇشىن قالا تۇرعىندارى داۋىس بە­رۋ­دى باستاپ كەتتى. جەڭىمپاز جو­بالار 2023 جىلى ىسكە اسىرىلادى. كومپانيا ءبىر اقسۋدىڭ وزىنە 100 ملن تەڭگە بولمەك.

پاۆلودار وبلىسى,

اقسۋ قالاسى