جۇرتشىلىقپەن جۇزدەستى

وڭىرگە ساپارى بارىسىندا مۇحتار التىنباەۆ جەرگىلىكتى اتقارۋشى ورگان­دار­دىڭ وكىلدەرى, پەداگوگتەر, كاسىپكەرلەر, سپورت جات­تىقتىرۋشىلارى, جاس­تار جانە وقۋشىلارمەن بىرقاتار كەزدەسۋ وتكىزدى.

ول مەملەكەتتىك تىلدە ءبىلىم بەرەتىن مەكتەپ مۇعا­لىم­دەرىمەن كەزدەستى. وقۋ ورنى­نىڭ ديرەكتورى ايگۇل ارىنعازينا قاراسۋ­لىقتار ءۇشىن قازاق تىلىندە ءبىلىم بەرەتىن مەكتەپتىڭ اشىلۋى جەرگىلىكتى تۇرعىندار ءۇشىن ما­ڭىزدى ەكەنىن ايتىپ, قوناق­تى وقۋشىلارعا ءبىلىم بەرۋ جانە دامىتۋ ءۇشىن جا­سال­عان شارتتارمەن تانىس­تىردى.

كەزدەسۋ بارىسىندا مۇح­تار قاپاش­ ۇلى قارا­سۋ­لىقتارعا «قارۋلى كۇش­تەردىڭ اردا­گەرلەرى» رقب قاسىم-جومارت توقاەۆتىڭ كانديداتۋراسىن پرەزيدەنتتىككە ۇسىن­عا­نىن حابارلادى. ول مەم­لەكەت باسشىسىنىڭ دەموكراتيا­لىق باستامالارىن, زاڭدىلىق پەن ادى­لەت­تىلىك قاعيداتتارىن بەكى­تۋ­­گە باعىتتالعان دايەك­تى سايا­­ساتىن اتاپ ءوتتى. «ادىلەتتى مەملەكەت. ءبىرتۇتاس ۇلت. بەرە­كەلى قوعام» اتتى قازاقستان حالقىنا جولداۋىن­داعى كوتەرىلگەن باستامالاردى, رەفور­مالاردى تۇبەگەيلى ىسكە اسىرۋ ءۇشىن جالپى­حالىقتىق قولداۋ قاجەت», دەدى گەنەرنال.

حالىق قاھارمانى جە­ڭىس ساياباعى مەن «جەڭىس» ورتا­لىق ستاديونىنا باردى. سپورتتىق نىساندا مۇحتار التىنباەۆ جاس فۋتبولشىلارمەن جانە جەڭىل اتلەتتەرمەن اڭگىمەلەسىپ, اسكەر, وتان الدىنداعى بورىش جايلى ءسوز قوزعادى. بالالاردىڭ سپورتقا دەگەن قۇشتارلىعىن ماقۇلداپ, «بۇل ولاردىڭ دامۋى مەن جەكە قالىپتاسۋىنا نەگىز بولادى» دەدى.

– وتاندى سۇيىڭدەر, اسكەر­دە قىزمەت ەتۋگە جانە ەلدى قورعاۋعا ءار كەز دايىن بول­ىڭدار, – دەدى جاستارعا مۇحتار قاپاش ۇلى.

«قارۋلى كۇشتەردىڭ ارداگەرلەرى» رقب باسشىسى قازاق­ستان رەسپۋبليكاسى تاۋەل­­سىز­دىگىنىڭ 30 جىلدىعى­نا وراي اشىلعان ساياباق­تا دا بولدى. ونداعى كورنەكتى ورىن – ەڭبەك ەرلەرى اللەيا­سى. مۇندا ول اكىمدىك­تىڭ وكىل­دەرىمەن, كاسىپ­كەرلەرمەن جانە قاراسۋ اۋىلدىق وكرۋ­گى­نىڭ بەلسەندىلەرىمەن اڭگىمەلەستى.

ءوز كەزەگىندە اۋداندىق ءماسليحاتتىڭ حاتشىسى سەرىك قاجيەۆ پەن ونىڭ سايلاۋ ورگانى بويىنشا ارىپتە­سى اۋداندىق اۋرۋ­حانانىڭ باس دارىگەرى ۆلاديمير گولۋ­بەۆ قاراسۋ اۋىلىنىڭ الەۋمەت­تىك-ەكونو­ميكا­لىق دامۋ جوس­پارلارىمەن ءبولىستى.