ۇكىمەت باسشىسى ءاليحان سمايىلوۆ ەلدىڭ الەۋمەتتىك-ەكونوميكالىق دامۋى بويىنشا بىرقاتار تاپسىرما بەردى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ء«ىرى كاسىپورىندارعا وندىرىستىك جوسپارلارىن ىسكە اسىرۋى ءۇشىن قولداۋ كورسەتۋدى كۇشەيتۋ كەرەك. ماسەلەنى جان-جاقتى تالداپ, ولاردىڭ اينالىم قاراجاتى, ينفراقۇرىلىم, لوگيستيكا جانە ءونىمدى ساتۋ بويىنشا پروبلەمالىق سۇراقتارىن شەشۋدى قامتاماسىز ەتۋ قاجەت.
شيكىزاتتىق ەمەس سەكتورلاردا, سونىڭ ىشىندە وڭدەۋ ونەركاسىبىندە, اۋىل شارۋاشىلىعىندا, كولىك, لوگيستيكا IT, تۋريزم جانە باسقا سالالاردا ينۆەستيتسيالىق جوبالاردىڭ سانىن ارتتىرۋ كەرەك. شەتەلدىك جانە وتاندىق ينۆەستورلاردى تارتۋ جۇمىسىن كۇشەيتۋ قاجەت», دەدى پرەمەر-مينيستر.
سونداي-اق ۇكىمەت باسشىسى شاعىن جانە ورتا بيزنەستى دامىتۋ ءۇشىن قولايلى جاعداي جاساۋ, كاسىپكەرلىك باستامالاردى قولداۋ, جاڭا جۇمىس ورىندارىن قۇرۋدى ىنتالاندىرۋ بويىنشا ناقتى شارالاردى پىسىقتاۋ كەرەك ەكەنىن اتاپ ءوتتى.
ءا. سمايىلوۆ تاپسىرماسى بويىنشا, بيۋدجەتتەن قارجىلاندىرىلاتىن ينۆەستيتسيالىق جانە ينفراقۇرىلىمدىق جوبالار بويىنشا قاراجاتتى جىل سوڭىنا دەيىن تولىق ءارى ءتيىمدى يگەرۋدى قامتاماسىز ەتىلۋى ءتيىس.