ەلىمىزدىڭ بىرنەشە وڭىرىندە داۋىلدى ەسكەرتۋ جاريالاندى

باتىستا, وڭتۇستىكتە, اقتوبە وبلىسىنىڭ ورتالىعىندا وڭتۇستىك-شىعىستان ەكپىنى 15 م/س جەل سوعادى.

اتىراۋ وبلىسىنىڭ سولتۇستىگىندە, وڭتۇستىگىندە, شىعىسىندا وڭتۇستىك-شىعىستان جەل سوعادى, ەكپىنى 15-20 م/س بولادى. 

جەتىسۋ وبلىسىنىڭ الاكول كولدەرىندە وڭتۇستىك-شىعىستان 17-22 م/س جەل سوعادى.

باتىس قازاقستان وبلىسىندا كۇندىز باتىستا, وبلىستىڭ شىعىسىندا ەكپىنى 15-20 م/س جەل سوعادى.

كۇندىز قىزىلوردا وبلىسىنىڭ ورتالىعىندا شاڭدى داۋىل سوعادى. شىعىستان, سولتۇستىك-شىعىستان سوعاتىن جەل تۇندە وبلىس ورتالىعىندا 15-20 م/س جەل كۇتىلەدى.  قىزىلوردا قالاسىندا شاڭدى داۋىل سوعادى.

كۇندىز ماڭعىستاۋ وبلىسىنىڭ سولتۇستىگىندە, شىعىسىندا نايزاعاي كۇتىلەدى. وبلىستىڭ سولتۇستىگىندە, وڭتۇستىگىندە, شىعىسىندا شاڭدى داۋىل تۇرادى. وڭتۇستىك-شىعىستان سوعاتىن جەل سولتۇستىك-باتىسقا اۋىسادى, وبلىستىڭ باسىم بولىگىندە ەكپىنى 15-20 م/س جەل تۇرادى. اقتاۋ قالاسىندا تۇندە نايزاعاي وينايدى. وڭتۇستىك-شىعىستان سوعاتىن جەل سولتۇستىك-باتىسقا اۋىسادى.

پاۆلودار وبلىسىنىڭ سولتۇستىگىندە وڭتۇستىك-باتىستان ەكپىنى 15-20 م/س جەل سوعادى.

تۇركىستان وبلىسىنىڭ سولتۇستىگىندە شاڭدى داۋىل سوعادى. سولتۇستىك, باتىستان سوعاتىن جەلدىڭ كۇشى وبلىستىڭ تاۋلى ايماقتارىندا 15-20 م/س, تاۋلى ايماقتاردا ەكپىنى 23 م/س جەل كۇتىلەدى. تۇندە وبلىستىڭ سولتۇستىگىندە 2 گرادۋس ۇسىك جۇرەدى. تۇركىستان قالاسىندا شىعىستان سوعاتىن جەلدىڭ ەكپىنى 15-20 م/س كۇتىلەدى.