الماتىدا قارتتار ايلىعى اياسىندا ءىى دۇنيەجۇزىلىك سوعىس جانە تىل ارداگەرلەرىنە ارنالعان كۇزگى مەرەكەلىك ءىس-شارا ءوتتى. بيىل بەسىنشى جىل قاتارىنان وتكەن ءداستۇرلى باسقوسۋدى سوعىس جانە ەڭبەك ارداگەرلەرىنىڭ قالالىق كەڭەسى ۇيىمداستىرىپ وتىر.
جاستىق شاعى قىرعي-قاباق سوعىس پەن ەل باسىنا تۋعان قيىن جىلدارمەن بەتپە-بەت كەلگەن ارداگەرلەر بۇگىنگى تاۋەلسىز ەلدىڭ جارقىن كۇندەرىن كورە الماي كەتكەن قاتارلاستارىن ساعىنا ەسكە الىپ, ەستەلىكتەرىمەن ءبولىستى. جانارلارعا جاس ۇيالاپ, تالاي ءومىردى قىرشىن ەتكەن سوعىس تا, ازالى جىلدار دا كەلمەسكە كەتسىن دەگەن تىلەكتەرىن ءبىلدىردى.
ارداگەرلەر كۇزگى مەرەكەنى ەرەكشە كوڭىل كۇيدە وتكىزدى. ولار ولەڭ وقىپ, بي بيلەپ, ءتۇرلى اسپاپتاردا ويناپ, ۇيىمداستىرۋشىلار تاراپىنان سىي-سياپاتقا يە بولدى.
«سوعىس جانە ەڭبەك ارداگەرلەرىنىڭ قالالىق كەڭەسى» قق اتقارۋشى ديرەكتورى رايحان جاپارحانوۆا ۇلكەنگە ىزەت كورسەتۋدىڭ وسىنداي ۇلگىسىن جاس ۇرپاق اراسىندا ناسيحاتتاۋدى ماقسات ەتەدى. اتالعان قور قوعامدىق ينستيتۋت رەتىندە سوعىس جانە ەڭبەك ارداگەرلەرىنە قۇرمەت كورسەتە وتىرىپ, ولاردى تولعاندىرعان ماسەلەلەردى دەر كەزىندە شەشۋگە ىقپال ەتىپ كەلەدى. قيىن-قىستاۋ جىلداردى باسىنان كەشىرگەن ارداگەرلەر بۇگىندە ۇلكەن قۇرمەتكە لايىق.
الماتى