قازاقستان مەن وزبەكستان شەكاراسىنداعى وتكىزۋ پۋنكتى ءبىر تاۋلىككە جابىلدى, دەپ حابارلايدى Egemen.kz مەملەكەتتىك كىرىستەر كوميتەتىنىڭ باسپاسوز قىزمەتىنە سىلتەمە جاساپ.
«6 قازان ساعات 9.00-دەن 7 قازان 9.00-گە دەيىن «ۋزترانسگاز» اق گازدى گيدراۆليكالىق سىناقتان وتكىزۋگە بايلانىستى «قازىعۇرت» (قازاقستان) جانە وعان جاقىن ورنالاسقان س.نادجيموۆ (وزبەكستان) وتكىزۋ پۋنكتى ازاماتتار مەن كولىكتەردىڭ ءوتۋى ءۇشىن جابىلادى», دەلىنگەن حابارلامادا.
قازاقستان-وزبەكستان شەكاراسىنداعى وزگە وتكىزۋ بەكەتتەرى ادەتتەگىدەي جۇمىسىن جالعاستىرادى.
جانسايا ءانۋار