مەملەكەت باسشىسى قاسىم-جومارت توقاەۆ پاۆلودار وبلىسىنداعى جيىن بارىسىندا وڭىردەگى ەكونوميكالىق پروبلەمالارعا نازار اۋداردى, دەپ حابارلايدى Egemen.kz.
«ونەركاسىپتىڭ دامۋى ءسوزسىز ەكولوگياعا ۇلكەن سالماق تۇسىرەدى. پاۆلودار وبلىسىنا ەلدەگى شىعارىندىلاردىڭ ۇشتەن ءبىرى كەلەدى - بۇل شىعىندىلار جىل سايىن 700 مىڭ توننانى قۇرايدى. بۇكىل ەلدىڭ يندۋستريالدى ءوسۋىنىڭ نەگىزى بولىپ سانالاتىن ايماق تۇرعىندارى تۋعان ولكەنىڭ قورشاعان ورتاسىنىڭ جاي-كۇيىنە قاتتى الاڭدايدى», دەدى پرەزيدەنت.
بۇل رەتتە مەملەكەت باسشىسى ەلىمىز 2060 جىلعا قاراي كومىرتەگى بەيتاراپتىعىنا قول جەتكىزۋ نيەتىن بىلدىرگەنىن ەسكە سالدى.
«ەكولوگيالىق جاعداي - ازاماتتاردىڭ ءومىر ءسۇرۋ ساپاسىنىڭ ماڭىزدى كورسەتكىشى. سوندىقتان وندىرىستىك الەۋەتتى كۇشەيتۋ مەن ەكولوگيانى قورعاۋ اراسىنداعى تەپە-تەڭدىكتى ساقتاۋ وتە ماڭىزدى. ەسكە سالساق, قازاقستان 2060 جىلعا قاراي كومىرتەگى بەيتاراپتىعىنا قول جەتكىزۋ نيەتىن بىلدىرگەن», دەدى قاسىم-جومارت توقاەۆ.
پرەزيدەنت سونداي-اق ءوڭىردى گازداندىرۋ ماسەلەسىنە دە توقتالىپ, ۇكىمەتكە ءتيىستى تاپسىرما جۇكتەدى.
«تاعى ءبىر ماڭىزدى ماسەلە – گازداندىرۋ. ۇكىمەت ءوڭىردى گازبەن قامتاماسىز ەتۋ جولدارىن باسىم تارتىپپەن ازىرلەۋى قاجەت. بۇل جاسىل كۇن ءتارتىبىن تولىققاندى ىسكە اسىرۋ جانە ناقتى ورنىقتى دامۋ جولىنداعى ماڭىزدى قادام بولادى», دەدى مەملەكەت باسشىسى.