پرەزيدەنت قاراعاندى وبلىسىنىڭ جۇرتشىلىعىمەن كەزدەسۋىندە ايماقتاعى جەڭىلدەتىلگەن يپوتەكا باعدارلاماسىن وزگە وڭىرلەردە دە قولدانۋدى ۇسىندى, دەپ حابارلايدى Egemen.kz.
«جاستار باستاپقى جارنا رەتىندە باسپانا قۇنىنىڭ 10 پايىزىن سالىپ, 19 جىلعا يپوتەكالىق نەسيە الۋىنا بولادى. جىلىنا 5 پايىزدىق وسىممەن 20 ميلليون تەڭگەگە دەيىن بەرىلەدى. بۇل يپوتەكانى مۇعالىمدەر, دارىگەرلەر, مادەنيەت, سپورت جانە الەۋمەتتىك سالا قىزمەتكەرلەرى, جۋرناليستەر جانە جوعارى وقۋ ورىندارىنىڭ وقىتۋشىلارى الا الادى. بيىل 75 نەسيە بەرىلدى», دەدى قاسىم-جومارت توقاەۆ.
وسى رەتتە مەملەكەت باسشىسى اتالعان باعدارلامانىڭ بيۋدجەتىن كوبەيتىپ, جەڭىلدەتىلگەن نەسيەنىڭ سانىن ارتتىرۋ كەرەگىن ايتتى.
«بۇل – جەرگىلىكتى جاس وتباسىلاردى, جاس مامانداردى قولداۋعا ارنالعان ءتيىمدى ءادىس. ولار باسقا ايماقتارعا كوشپەي, تۋعان جەرىندە ەڭبەك ەتۋگە جاقسى مۇمكىندىك الادى. مۇنداي ءتاسىلدى وزگە وبلىستار دا قولدانۋى كەرەك», دەدى ول.