استانا اكىمى التاي كولگىنوۆ ءوزىنىڭ Instagram پاراقشاسىندا قالاداعى الەۋمەتتىك نىساندار مەن تۇرعىن ۇيلەردىڭ گازعا قوسىلۋ بارىسى جايىندا ايتىپ بەردى, دەپ حابارلايدى Egemen.kz.
بۇگىندە ەلوردانىڭ ەلدى مەكەندەرىندەگى بىرقاتار الەۋمەتتىك نىسان اۆتونومدى جىلۋ كوزدەرى ارقىلى, ياعني, كومىر نەمەسە بىرنەشە ەسە قىمبات ديزەل وتىنى ارقىلى جىلىتىلىپ كەلەدى.«20 الەۋمەتتىك نىساننىڭ (الماتى جانە سارىارقا اۋدانى) 13 نىسانى گازعا اۋىستىرىلدى, قالعان 7 نىسان بويىنشا ىسكە قوسۋ-جوندەۋ جۇمىستارى جۇرگىزىلۋدە. ولاردىڭ قاتارىندا ەلدى مەكەندەردەگى بىرقاتار كوپقاباتتى تۇرعىن ۇيلەردى جىلىتقان 3 اۋداندىق جىلۋ قازاندىعى دا بار. بۇل وبەكتىلەردى گازعا اۋىستىرۋ ەسەبىنەن جالپى ۇنەمدەۋ جىلىنا 1 ملرد تەڭگەدەن اسادى. مىسالى, بۇرىن №40 مەكتەپ ديزەلدىك وتىنمەن جىلىتۋعا جىلىنا 160 ميلليون تەڭگەگە جۋىق قارجى جۇمساسا, گازبەن بۇل سوما شامامەن 4 ەسەگە ازايدى. ال, «شاراپات» الەۋمەتتىك قىزمەت كورسەتۋ ورتالىعىنىڭ ۇنەمدەۋى جىلىنا 60 ميلليون تەڭگەدەن اسادى», دەپ جازدى قالا اكىمى.
وسى تۇستا التاي كولگىنوۆ ۇيلەرىن گازعا اۋىستىرعان كوكتال-1 اۋدانىنىڭ تۇرعىندارىمەن كەزدەستى. تۇرعىنداردىڭ ايتۋىنشا, ەندى كومىر ساتىپ الۋدىڭ, كۇلدى تازالاۋدىڭ, ۇيدە كۇنى بويى وتىندى قاداعالاۋدىڭ قاجەتى جوق.«كۇن سايىن گازعا قوسىلعان ۇيلەردىڭ سانى ارتۋدا. بۇگىنگى كۇنى گازعا 6 مىڭنان استام ءۇي قوسىلدى. سارىارقا جانە الماتى اۋداندارى گازبەن تولىق قامتاماسىز ەتىلدى. ول ءۇشىن 680 كم استام گاز تاراتۋ جەلىلەرى سالىنىپ, ورامىشىلىك جەلىلەر جوندەلدى. بايقوڭىر جانە ەسىل اۋداندارىندا گاز قۇبىرىن سالۋ جۇمىستارى جۇرگىزىلۋدە (2023 ج. ورامىشىلىك جەلىلەر). وسى جىلى اۋدان قازاندىقتارىنا «تۇران», «تەلمان» جانە «يلينكا» (ۇركەر), ء«وندىرىس», «تەلمان», «پريگورودنىي», «Family Village», «Garden Village» شاعىن اۋداندارىنا گاز تارتۋ جەلىلەرىنىڭ قۇرىلىسى باستالدى. «شۇبار» شاعىن اۋدانىندا جوبالاۋ جۇمىستارى جۇرگىزىلۋدە», دەپ قوستى التاي كولگىنوۆ.
قالا اكىمى تۇرعىن ۇيلەردى گازعا قوسۋدى جەڭىلدەتۋ ءۇشىن بىرقاتار شارا قابىلدانعانىن اتاپ ءوتتى.
«ماسەلەن, ۇيلەردى گازعا قوسۋ ءۇشىن قۇجاتتار ءتىزىمىن ەكى ەسە قىسقارتتىق, حالىقتىڭ مۇقتاج ساناتتارىنا بولەتىن سومانى ەكى ەسە ۇلعايتتىق (430 مىڭعا دەيىن), گازدى ەسەپتەۋ اسپاپتارى (ەسەپتەگىشتەر) تەگىن بەرىلەدى, ءۇيدى گازداندىرۋ ءۇشىن ءبولىپ تولەۋ جانە بانكتەر ارقىلى پايىزسىز نەسيە بەرۋ مۇمكىندىگى قاراستىرىلادى. ەلوردانى گازداندىرۋ مەملەكەت باسشىسىنىڭ باقىلاۋىندا. گازداندىرۋ قالانىڭ ەكولوگياسىن ەداۋىر جاقسارتىپ قانا قويماي, جەكە سەكتور تۇرعىندارى ءۇشىن قولايلى جاعداي جاساۋعا مۇمكىندىك بەرەدى», دەلىنگەن حابارلامادا.