تايلاند پرەمەر-ءمينيسترى پرايۋت چان-و-چا قازاقستان ەلشىسى ارمان يسەتوۆتى قابىلدادى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
كەزدەسۋ بارىسىندا پرەمەر-مينيستر ديپلوماتيالىق قاتىناستاردىڭ 30 جىلدىعىمەن قۇتتىقتاپ, قازاقستان مەن تايلاند اراسىنداعى سەنىمدى ارىپتەستىك بايلانىستاردى اتاپ ءوتتى. گەنەرال پرايۋت چان-وچا ەلدەرىمىزدىڭ وڭىرلىك جانە جاھاندىق قاۋىپسىزدىكتى قامتاماسىز ەتۋدەگى ۇستانىمدارىنىڭ ۇقساستىعىن اتاپ ءوتتى. وسى ۇدەرىستەگى ازياداعى ءوزارا ءىس-ارەكەت جانە سەنىم شارالارى جونىندەگى كەڭەسىنىڭ (اوسشك) جوعارى ءرولىن ەسكەرە وتىرىپ, تايلاند استاناداعى اوسشك 6-شى سامميتىنە قاتىسۋدى جوسپارلاپ وتىر.
«سونىمەن قاتار تاي ۇكىمەتىنىڭ باسشىسى ساۋدا-ەكونوميكالىق جانە ينۆەستيتسيالىق ىنتىماقتاستىقتى دامىتۋ قاجەتتىگى تۋرالى ايتتى. سوڭعى بىرنەشە جىلدا ءوزارا تاۋار اينالىمى دايەكتى تۇردە ءوسىپ, ودان ءارى ىنتىماقتاستىق الەۋەتىن ساقتاپ كەلەدى. لوگيستيكالىق قاشىقتىقتى ەسكەرە وتىرىپ, پرايۋت چان-وچا تاۋارلاردى جەتكىزۋدىڭ بالاما جولدارىن ىزدەۋ قاجەتتىلىگىنە نازار اۋداردى. بۇل رەتتە تاي كومپانيالارىنىڭ قازاقستاندا بيزنەس جوبالاردى ىسكە اسىرۋعا مۇددەلىلىگى اتاپ ءوتىلدى», دەپ جازىلعان ۆەدومستۆو تاراتقان حابارلامادا.
بۇعان قوسا, تاراپتار جاھاندىق ازىق-ت ۇلىك قاۋىپسىزدىگى سالاسىندا كوبەيىپ كەتكەن پروبلەماعا الاڭداۋشىلىق ءبىلدىردى. وسىعان بايلانىستى ەلشى قازاقستاننىڭ الەمنىڭ مۇقتاج ەلدەرىنە استىق ونىمدەرىن جەتكىزۋ الەۋەتىن اتاپ وتكەن.
سونداي-اق تاراپتار ءتۋريزمدى ءوزارا دامىتۋ ماسەلەسىن تالقىلادى. قازاقستاندىق ديپلومات تۋريستەر اعىمىن ارتتىراتىن ەكى ەل اراسىنداعى تۇراقتى رەيستەر سانىنىڭ ارتۋى تۋرالى حابارلادى.
كەزدەسۋ قورىتىندىسى بويىنشا تاراپتار ىنتىماقتاستىقتى بارلىق دەڭگەيدە جالعاستىرۋعا كەلىستى.