IV دۇنيەجۇزىلىك كوشپەندىلەر ويىندارىندا قازاق كۇرەسىنەن 60 كەلى سالماقتا مارات نىعماتۋللاەۆ جەڭىمپاز اتاندى, دەپ حابارلايدى Egemen.kz.
قازاق كۇرەسىنىڭ باسەكەسىنە الەمنىڭ 20-عا جۋىق ەلىنەن 60-تان استام بالۋان كەلگەن, ونىڭ ىشىندە 19 بۇرىمدى بالۋان بار.
جەڭىمپاز مارات نىعماتۋللاەۆ فينالدا موڭعولدىڭ بالۋانىن 2 مينۋتتا «تازا جەڭىس» ادىسىنە ءتۇسىردى.
بۇعان دەيىن IV دۇنيەجۇزىلىك كوشپەندىلەر ويىندارىندا ساداق اتۋدان قاسىمحان قانات فينالدا تۇرىكتىڭ وعىز وقشى مەرگەنىمەن كۇش سىناسىپ, كۇمىس جۇلدەگە يە بولعانىن حابارلاعان ەدىك.
سونىمەن قاتار قاباق اتۋ (تۇرىك ءستيلى) بويىنشا قازاقستاندىق سپورتشى كۇمىس جۇلدەگە يە بولدى.