يراك ەلدىڭ سولتۇستىگىندەگى بىرقاتار ۇيىمنىڭ شتاب-پاتەرىنىڭ اتقىلاۋىنا بايلانىستى يرانعا نارازىلىق نوتاسىن جولدادى, دەپ حابارلايدى Egemen.kz.
يراننىڭ باعدادتاعى ەلشىسى مۇحاممەد كازيم ءال-سادىق بەيسەنبى كۇنى يراك سىرتقى ىستەر مينيسترلىگىنە شاقىرىلعان.
سىرتقى ىستەر مينيسترلىگى يران كۇشتەرىنىڭ يراك اۋماعىنا جاسالىپ جاتقان شابۋىلداردى ايىپتاپ, بۇل ءىس-ارەكەتتەرگە جاۋاپ بەرۋگە دايىن ەكەندىكتەرىن جەتكىزگەن.
باعداد تەگەراندى يراكتىڭ ەگەمەندىگىن قۇرمەتتەۋگە جانە كورشى ەلگە قارسى سوعىسۋدان اۋلاق بولۋعا شاقىردى.