ۇقشۇ ۇجىمدىق كۇشتەرى بىرلەسكەن وقۋ-جاتتىعۋلارعا قاتىسۋ ءۇشىن قازاقستانعا جىبەرىلەدى. ولاردىڭ قوزعالىسى تەمىرجول, اۋە كولىگىمەن جانە اسكەري تەحنيكامەن جۇزەگە اسىرىلادى, دەپ حابارلايدى Egemen.kz.
ۆەدومستۆو ازاماتتاردى الەۋمەتتىك جەلىلەردە تاراپ جاتقان قاۋەسەتتەرگە سەنبەۋگە شاقىرادى.
ايتا كەتەيىك, جاتتىعۋدىڭ بەلسەندى كەزەڭى «ماتىبۇلاق» پوليگونىندا 3-7 قازان ارالىعىندا وتكىزىلەدى.
ۇقشۇ اسكەرلەرىنىڭ پراكتيكالىق ءىس-قيمىلدارى تاۋلى-ءشولدى جەرلەردىڭ قيىن جاعدايلارىندا ورىندالادى.
قازاقستاندا وقۋ-جاتتىعۋلارعا قاتىسۋشىلاردىڭ جالپى سانى 6500-دەن استام ادامدى جانە 850-دەن استام اسكەري جانە ارنايى تەحنيكانى, ونىڭ ىشىندە ۇشاقتاردى, تىكۇشاقتاردى جانە ۇشقىشسىز ۇشۋ اپپاراتتارىن قۇرايدى دەپ جوسپارلانۋدا.