سىڭارىنان اداسقان جالعىز اققۋ وسىدان بىرەر كۇن بۇرىن بەيىمبەت مايلين اۋدانىنا قاراستى توبىل كەنتىنىڭ ورتالىعىنداعى تاۋەلسىزدىكتىڭ 30 جىلدىعىنا ارنالعان اللەياعا كەلىپ قونعان. جابايى قۇستىڭ كوككە كوتەرىلە المايتىنىن كورگەن تۇرعىندار اۋىل اكىمىنە حابارلاپتى.
– اققۋ – كيەلى قۇس قوي. قاناتى سىنعان. بالكىم, ادامداردى ەس تۇتىپ, كومەك سۇراپ ادەيى ەلدى مەكەنگە قونسا كەرەك. وسىنداعى اڭشى جىگىت ەكەۋمىز ەكى جاقتاپ ءجۇرىپ ۇستاپ, ءبىزدىڭ ءۇيدىڭ اۋلاسىنا اكەلىپ قويدىق. الدىنا سۋ قۇيىپ, بيداي شاشىپ ەم, تابەتى جاقسى ەكەن. بىراق قاناتىن ەمدەۋگە مەنىڭ شيپاگەرلىك ءبىلىمىم جەتپەيدى. ونىڭ ۇستىنە جارالى قۇسقا قىستاپ شىعاتىن جىلى ءارى كەڭ ورىن تاۋىپ, جاعدايىن جاساۋ كەرەك. سوندىقتان ەمشىلىك ساۋاتى بار قايىرىمدى ءبىر ادام شىعىپ قالار دەگەن ۇمىتپەن كوپشىلىككە حابارلاپ, كومەك سۇراپ جاتقان جايىم بار, – دەدى اۋىل اكىمى امانجول ەسماعامبەتوۆ.
قوستاناي وبلىسى