مەگاپوليس جاستارىنا مۇمكىندىك مول

جاستارعا بۇگىنگى قوعامدا كەرەگى – رۋحاني تىرەك پەن الەۋمەتتىك قولداۋ. وسى ەكى اسپەكتى جاعىنان جەرگىلىكتى اكىمدىك وسكەلەڭ ۇرپاقتىڭ قوعامنىڭ ەرتەڭگى تىرەگىنە اينالار ۇلكەن ازامات بولىپ جەتىلۋىنە بارىنشا جاعداي جاساۋدا. ولاردىڭ قاتارىنا باسپانامەن قامتۋ, ساپالى ءبىلىم, سانالى تاربيە بەرۋ, تۇراقتى جۇمىس ورنىمەن قامتاماسىز ەتۋ, جامان ادەتتەرگە ۇرىنىپ قالماۋ ءۇشىن بوس ۋاقىتىن پايدالى ىسكە ارناۋ سەكىلدى ماڭىزدى ءىس-شارالاردى جاتقىزۋعا بولادى. شىمكەنت ەكونوميكالىق ءوسىم جاعىنان رەسپۋبليكاداعى ديناميكاسى جوعارى وڭىرلەردىڭ قاتارىنا سانالادى. سوعان بايلانىستى بۇگىندە شاعىن جانە ورتا كاسىپكەرلىك نىساندارىنىڭ سانى كۇرت ارتىپ كەلەدى. دەموگرافيالىق ءوسىمى جىلدان-جىلعا جاقسارىپ كەلە جاتقان شاھاردا شاعىن جانە ورتا كاسىپ­كەر­لىكتىڭ وركەندەۋىنىڭ ناتيجەسىندە جاس­­تاردىڭ جۇمىسقا ورنالاسۋى نەمەسە بى­لىك­تىلىگىن ارتتىرىپ, قوسىمشا كۋرس وقىپ, ءتۇرلى سالادا قىزمەتكە ارالاسۋى وڭاي شارۋاعا اينالدى. بۇل تۇر­عىدان ال­عان­دا پرەزيدەنت قاسىم-جومارت توقاەۆ تا ءوزىنىڭ جىل سايىنعى جول­داۋ­لا­رىندا جاستار ماسەلەسىنە ايرىقشا نازار اۋدارادى.

ماسەلەن, «حالىق بىرلىگى جانە جۇيەلى رە­فور­مالار – ەل وركەندەۋىنىڭ بەرىك نە­گىزى» اتتى جولداۋىندا مەملەكەت باسشى­سى: «باستى مىندەت – جالپى ادامزاتقا ورتاق قاستەرلى قۇندىلىقتاردى جاستار­دىڭ بويىنا ءسىڭىرۋ. وتانشىلدىق, بىلىمگە قۇش­تارلىق پەن ەڭبەكقورلىق, بىرلىك پەن جا­ۋاپ­كەرشىلىك سياقتى قاسيەتتەر دارىپ­تەل­ۋى كەرەك», دەگەن بولاتىن.

پرەزيدەنتتىڭ جولداۋدا ايتقان تاپسىرمالارى بويىنشا مەگاپوليستە قانداي جۇمىستار اتقارىلىپ جاتىر دەگەن سا­­­ۋال توڭى­رەگىندە قالالىق ىشكى ساياسات جانە جاس­تار ىستەرى باسقارماسىنا قاراستى «جاس­­­تار رەسۋرستىق ورتالىعىنىڭ» باس­شىسى ماعجان يساحوۆتان ءبىراز ماعلۇمات الدىق. سونىمەن جاستار جە­تەك­شىسى مەم­لەكەتتىك جاستار ساياساتىن جۇزەگە اسى­­رۋ ماقساتىندا شىمكەنت قا­لا­سىندا 13 با­عىت بويىنشا جىلدىق جوس­پار ءتۇزىلىپ, وعان 200 مىڭنان اسا جاس قام­تىل­عانىن جەتكىزدى.

بۇگىنگى تاڭدا مەگاپوليستە جاستار ما­سە­لەسىنە قاتىستى فرونت-وفيس كەڭ­سەسى قىزمەت كورسەتەدى. اتالعان مەكەمە شا­ھارداعى 10-نان اسا ۆولونتەرلىك ۇيىم­دارمەن جانە جوعارى, ورتا ارناۋلى وقۋ ورىندارىمەن تىعىز جۇمىس اتقا­را­دى. وسى ۆولونتەرلىك ۇيىمدارمەن «جان­عا جىلۋ» اكتسياسى اياسىندا قالا­دا­عى از قامتاماسىز ەتىلگەن مىڭعا جۋىق وتباسىعا ازىق-ت ۇلىك سەبەتتەرى تا­­را­­­تىلدى. سونىمەن بىرگە Birgemiz: Qamqor جالپىۇلتتىق جوباسى اياسىن­دا مۇمكىندىگى شەكتەۋلى جاندارعا, الەۋ­مەت­تىك جاعدايى تومەن وتباسىلارعا ازىق-ت ۇلىك سەبەتتەرى ۇلەستىرىلىپ, «حا­رە­كەت» قايىرىمدىلىق قورى مەن «ىزگىلىكتە جارىسايىق» قوعامدىق قايىرىمدىلىق قورلارى جىل باسىنان بەرى اسىراۋشىسىنان ايىرىلعان كوپبالالى وتبا­سى­لار­عا باسپانا كىلتىن تابىستادى. ال Birgemiz:Saulyq باعىتى شەڭبەرىندە «ار­داگەرلەردى ارداقتايىق», «مەن دو­نور­مىن», «دەنى ساۋدىڭ – جانى ساۋ» اكتسيالارى ۇيىمداستىرىلىپ, قالانىڭ 4 اۋدانىنداعى ارداگەرلەر مەن مۇمكىندىگى شەكتەۋلى جالعىزباستى 80-گە جۋىق قارت كىسىلەردىڭ قان قىسىمى ولشەنىپ, كەرەكتى دارۋمەندەر مەن جەمىس-جيدەكتەر تاراتىلدى. Birgemiz: Bilim باعىتى بو­يىنشا «جارقىن بولاشاق», ء«بىلىمدىنىڭ كۇنى جارىق», Blitth اكتسيالارى قولعا الىنىپ, 20-عا جۋىق ءارتۇرلى سالا ماماندارىمەن بىرگە ماستەر-كلاسستار مەن ترەنينگتەر ءوتتى. Birgemiz: تaza Alem دەپ اتالاتىن تاعى ءبىر جوبا بارىسىندا شىمكەنتتىك ۆولونتەرلەر ء«بىز تازا قالا ءۇشىن», «تازا قالا تۇرعىندارى» سەنبىلىك اكتسيالارىن وتكىزىپ, تۇرعىن الاپتاردا, ارداگەرلەر, مۇمكىندىگى شەكتەۋلى جال­عىزىلىكتى قارتتار ۇيىندە, سونىمەن قاتار ساياباقتاردا كوگالداندىرۋ, تا­زا­لىق جۇمىستارىن جۇرگىزدى. بۇدان بولەك Birgemiz: Sabaqtastyq جالپى­ۇلت­تىق جوباسىندا «ەرەكشە جول», «قا­سيەتتى جول» جانە «جىگەر» قوعامدىق قور­­لا­رى­نىڭ اتسالىسۋىمەن «باقىتتى بالا­لىق شاق» تاقىرىبىندا وڭالتۋ جانە بەيىمدەۋ ورتالىقتارىندا بالالارعا ارناپ 10-عا جۋىق اكتسيا ۇيىمداستىردى. وسىنداي تاعى ءبىر جوبا Birgemiz: Umit بويىنشا جاستار رەسۋرستىق ورتا­لى­عى­نىڭ ەرىكتىلەرى توتەنشە جاع­دايلار دەپارتامەنتى جانە ءورت ءسوندىرۋ ءبو­لىمىنىڭ قىزمەتكەرلەرىمەن بىرگە «وتبا­سىڭدى ۋلى گازدان ساقتا» اكتسيا­سىن باستاپ, تۇر­عىندارعا قاۋىپسىزدىك ەرە­جەلەرىن ءتۇ­سىن­دىردى. ءوز كەزەگىندە Birgemiz: Asyl Mura جالپىۇلتتىق جوباسى ار­قى­لى تا­ري­حي-مادەني مۇرالاردى ساق­تاۋ بو­يىن­­شا بەينەلەۋ ونەرى, ساياسي قۋعىن-سۇر­گىن قۇرباندارىن ەسكە الۋ مۇرا­جاي­لا­رىندا ارنايى ءىس-شارالار ۇيىم­داس­تىرىلدى.

مەگاپوليستە جاستاردىڭ ۋاقىتىن ءتيىمدى وتكىزۋ ماقساتىندا ءتۇرلى ۇيىرمەلەر جۇ­مىس ىستەيدى. ولاردىڭ قاتارىندا اعىل­شىن ءتىلى, شەشەندىك ونەر, سپورتتىق, دوم­بىرا, پسيحولوگيالىق, ء«تاتتى گۇلدەر», «با­تىل بول» ۇيىرمەلەرى مەن Relax club دا­مىتۋ ورتالىعى بار.

ايتا كەتكەن ءجون, قالانىڭ ءار اۋدانىنان «جاستار رەسۋرستىق ورتالىقتارى» اشىلعان. ولاردىڭ ارقايسىسى تۋرالى جەكە-جەكە ايتىپ وتسەك, ەڭبەكشى اۋدا­نىنداعى ورتالىق 2021 جىلدىڭ 1 قازا­نى­نان بەرى جۇمىس ىستەپ كەلەدى. وندا كوپتەگەن باعىت بويىنشا 14 پەن 29 جاس ارا­لىعىنداعى جاستارعا قىزمەت كور­سەتىلەدى.

اباي اۋدانىندا تۇراتىن حالىقتىڭ جالپى سانى – 330 مىڭ ادام. ونىڭ ىشىندە 67 مىڭنان استامىن جاستار قۇ­راي­دى. ياعني اۋدان حالقىنىڭ 20,5 پا­­يىزى – جاستاردىڭ ۇلەسىندە. بۇگىنگى تاڭدا اۋدان جاستارى وسى اۋماقتان اشىل­عان رەسۋرستىق ورتالىقتا بوس ۋا­قىت­­تارىن ءتيىمدى وتكىزىپ, ۇيىرمەلەردەن كوپ نارسە ۇيرەنىپ, پايدالى ىسپەن اي­نالى­سىپ ءجۇر.

بيىل العاش رەت «جاستار رەسۋرستىق ورتالىعى» كمم ماماندارىن اۋداندارعا ءبولىپ, جاستارمەن جۇمىس جۇرگىزۋدىڭ ين­دي­كاتورى بەكىتىلدى. سونداي-اق اۋدانداردا جاستاردىڭ شوعىرلانىپ جينا­لا­تىن, ولارمەن جۇمىس ىستەۋگە قو­لاي­لى ورىندارعا تالداۋ جۇمىستارى ۇيىم­داس­تى­رىلدى.

قاراتاۋ اۋداندىق «جاستار رەسۋرستىق ورتالىعى» دا 2021 جىلدىڭ قىركۇيەك ايىنان باستاپ جۇمىسىن باستاعان-دى. ورتالىق 2 قاباتتان تۇرادى جانە ءبىر مەزەتتە 150 ادامعا دەيىن قىزمەت كورسەتە الادى. عيمارات ارنايى COWORKING الاڭىمەن جانە شاعىن كىتاپحانامەن جابدىقتالعان. ورتالىق ماماندارى تالانتتى جاستاردى, ەرىكتىلەردى قولداۋ, پسيحولوگيالىق كەڭەس بەرۋ باعىتتارى بويىنشا جۇمىس جۇرگىزەدى. جىل باسىنان بەرى قاراتاۋ اۋداندىق اكىمدىگى جاستار ساياساتىن قولداۋعا بايلانىستى 150-گە جۋىق ءىس-شارا وتكىزدى. سونىمەن قا­تار ورتالىق جانىنان قىش قۇمىرا جا­ساۋ, دومبىرا تارتۋ, بي ونەرى سەكىلدى ۇيىر­مەلەر اشىلدى.

ءال-فارابي اۋدانىنىڭ اۋماعى شىم­ك­ەنت قالاسىنىڭ ورتالىعىندا جات­قان­دىقتان مادەنيەت جانە سپورت وشاق­تارى, ويىن-ساۋىق ورتالىقتارى مەن دەما­لىس ورىندارى كوپتەپ ورنالاسقان. سون­دىق­تان دا اۋدان جاستارىنا ءتۇرلى شى­عار­ماشىلىقپەن اينالىسۋعا, ءوزىن-ءوزى دا­مىتۋعا مۇمكىندىك مول.

ءوز كەزەگىندە اۋدان اكىمىنىڭ جانىنان قۇ­رىلعان ۋچاسكەلىك كوميسسيا الەۋمەتتىك جاعدايى تومەن وتباسىلاردى انىقتاۋ جانە سول وتباسى­لار­­داعى جاستاردىڭ جاعدايىن ءبىلۋ ماق­ساتىندا ۇيلەردى ارا­لاپ, زەردەلەۋ جۇ­مىستارىن جۇرگىزىپ, الەۋ­مەتتىك كومەك كورسەتۋدە.

سونداي-اق جاستاردىڭ بوس ۋاقىتىن ءتيىم­دى وتكىزۋ ءۇشىن اۋلا چەمپيونات­تا­رىنىڭ كەستەسى بەكىتىلىپ, 73 سپورت الاڭ­شا­­سىندا اپتا سايىن سپورتتىق جارىس­تار ۇيىمداستىرىلىپ كەلەدى. ال اسىق اتۋ, لاڭگى تەبۋ, بەلتەمىرگە تارتىلۋ, باس­­كەتبول, ارقان تارتىس, سەكىرۋ سىندى سپورت تۇر­لەرىنەن باق سىناسىپ, جەڭىمپاز اتان­عان بالالار مەن جاستار العىس حاتتارمەن جانە ءتۇرلى سىيلىقتارمەن ماراپاتتالادى. سونىمەن بىرگە حالىقتىڭ سۇيىكتى دەمالىس ورىندارى – جەتى سايا­باق­تا جاستاردىڭ ۋاقىتىن ءتيىمدى پاي­دا­لانۋى جانە سپورتپەن شۇعىلدانۋى ءۇشىن ترەناجەرلىق قۇرالدار ورناتىلعان.

جوعارىدا اتالعان ءتورت اۋداننىڭ رە­سۋرس­تىق ورتالىقتارىندا شىعار­ما­شىلىق باستامالاردى دەمەۋ, مەملە­كەت­تىك قولداۋ باعدارلامالارىن ءتۇسىن­دى­رۋ, ەرىكتىلىككە تارتۋ, قىلمىس پەن قۇقىق­بۇ­زۋ­شىلىقتىڭ الدىن الۋ, پسيحو­لو­گيالىق جاردەم بەرۋ جانە سالاماتتى ءومىر سال­تىن قالىپتاستىرۋ بويىنشا جاس­تارعا قىزمەت كورسەتىلەدى. وسىن­داي قول­داۋدىڭ ءبىر ءتۇرى كوۆوركينگ ورتالى­عىن­دا جۇزەگە اسىرىلادى. وندا جاس كاسىپكەرلەر, باعدارلاماشىلار, ديزاينەرلەر, فريلانسەرلەر جانە مەديا كونتەنتپەن جۇمىس ىستەۋشىلەردىڭ قولايلى ەڭبەك ەتۋىنە جاعداي قاراستىرىلعان. رە­سۋرس­تىق ورتالىقتىڭ كىتاپحانا قورى­نان «تۇركى الەمىنىڭ تاريحى» جانە «الەم ادەبيەتى», سونداي-اق «رۋحاني جاڭعىرۋ» باعدارلاماسى اياسىندا اۋدارىلعان «100 جاڭا وقۋلىقتار» جانە جاستارعا قاتىستى الەمدىك ادەبي-تاريحي وقۋلىقتاردى تا­بۋ­عا بولادى. سونىمەن بىرگە جوعارىدا ايتىپ وتكەنىمىزدەي, كەلەڭسىز ءارى قيىن ومىرلىك جاعدايعا تاپ بولعان نەمەسە جات قىلىقتاردىڭ الدىن الۋ ماقساتىندا مەگاپوليس جاستارىنا پسيحولوگيالىق كەڭەس بەرىلەدى.

ءوز كەزەگىندە جەرگىلىكتى اكىمدىك تا­را­پى­نان جىل باسىنان بەرى شىمكەنت­تىك جاس ورەندەردىڭ تالانتتارىن شىڭ­داۋ, باستامالارىنا قولداۋ ءبىلدىرۋ جانە پاتريوتتىق سەزىمدى ۇيالاتۋ باعى­تىن­دا بىرنەشە اۋقىمدى ءىس-شارا ۇيىم­داس­تى­رىل­دى. سولاردىڭ ىشىندە اتاپ وتسەك, جاس اقىندار اراسىنداعى رەسپۋب­لي­كالىق «كۇمىس قالام-2022» باي­قاۋى. قا­لالىق ىشكى ساياسات جانە جاستار ىستەرى باسقارماسى «جاستار رەسۋرستىق ور­تا­لى­عى» كمم-ءنىڭ ۇيىمداستىرۋىمەن وتكەن بۇل بايقاۋعا ەلىمىزدىڭ تۇكپىر-تۇك­پى­رىنەن تالانتتى جاس اقىندار قاتىس­تى. باي­قاۋدىڭ نەگىزگى ماقساتى – تاۋەل­سىز­دىك جىلدارىندا جەتكەن جەتىستىكتەردى ناسيحاتتاۋ, ادەبي ۇردىستە دارىندى جاس اقىن­داردىڭ جارقىراپ كورىنۋىنە جول اشۋ, سونداي-اق جاس تالانتتار مەن وقىر­­مانداردىڭ, ادەبيەتتەگى اعا بۋىن مەن جاس تولقىننىڭ ۇرپاقتار ساباق­تاس­تى­عىن جالعاۋ جانە ولاردىڭ اقىندىق قابىلەتتەرىن شىڭداۋ.

ءمۇشايرادا سوزدەن مارجان تەرگەن اقىندارعا «دارىن» مەملەكەتتىك جاس­تار سىيلىعىنىڭ لاۋرەاتى قالقامان سارين, قازاقستاننىڭ ەڭبەك سىڭىرگەن قايراتكەرى ءحانبيبى ەسەنقاراقىزى, قازاقستان جازۋشىلار وداعىنىڭ مۇشەسى باقىتجان الديار, «قاراتاۋ» ءداستۇرلى ونەر مەكتەبىنىڭ ۇستازى اباي قالشابەك, «ايتىس اقىن­دا­رى مەن جىرشى-تەرمە­شى­لەر­دىڭ حالىق­ارالىق وداعىنىڭ» مۇشەسى بەك­مۇرات انارباەۆ قازىلىق ەتتى. ەل تاۋەل­سىز­دى­گى­نىڭ جەتىستىكتەرىن جىرلارىنا ارقاۋ ەتكەن ءمۇشايرادا قازىلار القا­س­­ىنىڭ شەشىمىمەن «كۇمىس قالام» پوە­تيكالىق دۋە­لى­نىڭ باس جۇلدەسىنە شىم­كەنت قالا­سىنىڭ جاس اقىنى ارايلىم مۇراتاليەۆا يە بولدى.

سونداي-اق حالىقارالىق جاستار كۇ­نi­­نە وراي مەگاپوليستە ۆولونتەرلىق باس­­تا­مانى وقىتۋعا ارنالعان سەمينار-ترەنينگ ءوتتى. مۇنداعى ماقسات – ءبىلىم الۋشىلاردىڭ بويىندا كوش­باس­­­شىلىق, جاۋاپكەرشىلىك قاسيەت­تەردى قا­­لىپتاستىرۋ, ەرىكتىلىك جانە قايى­رىم­دى­لىق ىستەرگە ءبىلىم الۋشىلار­دىڭ نازارىن اۋدارۋ جانە جالپى ۆولون­تەر­لىك­پەن اينالىسۋعا جاستاردى ىنتالاندىرۋ.

سەمينار-ترەنينگكە ACCESS ۇيى­­مىنىڭ تۇلەكتەرى ASAA جاستار قو­عام­دىق بىرلەستىگى, «ىزگىلىكتە جارى­سايىق» قايىرىمدىلىق ۇيىمى, Meyirim.kz قايىرىمدىلىق ەلەكتروندى پورتالى, «سەنىم» مەديتسينالىق ۆولونتەرلىك ۇيى­مى, «حارەكەت» قايىرىمدىلىق قو­رى, «جىگەر» سالاماتتى ءومىر سالتىن قول­داۋ قوعامدىق قورى, اۆيتسەننا مەدي­تسينا كوللەدجىنىڭ ۆولونتەرلىك ۇيىمى جانە «جاسىل ەل» ەڭبەك جاساقتارىنىڭ ەرىك­­تىلەرى قاتىستى.

وسىناۋ ايتۋلى مەرەكە اياسىندا «جاستار – ەل بولاشاعى» اتتى كەش تە مەگا­پوليستە وتكەن ايتۋلى ءىس-شارا­لار­دىڭ ءبىرى رەتىندە ەستە قالدى. وندا ۇيىم­داس­تى­رۋ­شىلار قالا جاستارىن قوعامدىق ءتار­تىپ شەڭبەرىندە كەشكى ۋاقىتتى قى­زىق­تى ءارى ءتيىمدى وتكىزۋگە شاقىردى.

اتالعان ءىس-شارادا شىمكەنت قالا­سى­نىڭ ىشكى ساياسات جانە جاستار ىستەرى باس­قارماسىنىڭ باسشىسى مۇراتجان شوتانوۆ قالا جاستارىن ايتۋلى مەرەكەمەن قۇتتىقتاپ, مەملەكەت تاراپىنان وسكەلەڭ ۇرپاقتىڭ قامى ءۇشىن جاسالىپ جات­قان وڭدى ىستەر تۋرالى بايانداپ بەردى.

– تاۋەلسىز ەلىمىزدىڭ گۇلدەنىپ, قا­رىش­­تاپ دامۋى ءۇشىن جاستاردىڭ تىڭ يدەيالارى, العىر شەشىمدەرى, وڭ باس­تامالارى قاجەت. جاستار – قوعامنىڭ قوزعاۋشى كۇشى. ءبىز جاستاردىڭ ومىردەن ءوز ورنىن تابۋىنا, ءتۇرلى داعدىلاردى يگەرۋىنە قولداۋ كورسەتۋگە ارقاشان دا­­يىنبىز, – دەدى باسقارما باسشىسى.

ءىس-شارادا قالا تۇرعىندارى مەن جاس­­تار ۇستەل تەننيسىنەن سايىسقا ءتۇسىپ, بەل­­­سەنە قاتىسقان ازاماتتارعا ءتۇرلى سىي­­­لىقتار تابىستالدى. سونىمەن بىر­گە بال­دىرعاندار, ولارمەن قوسا ۇلكەن كى­سى­لەر دە كاراوكەدە ءان شىرقاپ, مەرە­كە­لىك كەش­تىڭ كورىگىن قىزدىرا ءتۇستى.

بۇدان بولەك ءۇشىنشى مەگاپوليستە IQ ZHASTARY ينتەللەكتۋالدى ويىنى ءوتتى. وسى ويىن ارقىلى جاستاردىڭ بىلىمگە, وقۋعا دەگەن قۇلشىنىستارى مەن باسەكەگە قابىلەتتىلىكتەرىن ارتتىرۋ ماقساتى كوزدەلدى. IQ ZHASTARY ونىڭ الدىندا ءتورت اۋداندا ءوتىپ, وندا 80-نەن اسا جاس باق سىناپ كورگەن ەدى. ءبىلىم مەن پاراسات, تاپقىرلىق پەن شاپشاڭدىق قابى­لەتتەرى بويىنشا جارىسقان جاستاردان فينالدىق ويىنعا 24 قاتىسۋشى جولداما الدى. جاس دارىندىلار اراسىنداعى سايىستا جوعارى جانە ورتا ارناۋلى وقۋ ورىندارىنىڭ ستۋدەنتتەرى, مەملەكەتتىك مەكەمەلەردىڭ قىزمەتكەرلەرى, جاس جۋرناليستەر مەن كاسىپكەرلەر, بلوگەرلەر بولدى.

شىمكەنتتە قولعا الىنعان تاعى ءبىر ماڭىزدى ءىس-شارانىڭ ىشىنەن «جاستاردان-جاستارعا اقپاراتتىق كەرۋەنى» بوس جۇمىس ورىندارى جارمەڭكەسىن اتاپ وتكەن ءجون. مۇندا دا باستى ۇيىمداستىرۋ تىزگىنىن قالالىق ىشكى ساياسات جانە جاس­تار ىستەرى جونىندەگى باسقارماسىنىڭ «جاستار رەسۋرستىق ورتالىعى» مەكەمەسى قولعا الدى. جارمەڭكە ەڭبەكشى اۋدانىنا قارا­ستى شالعايداعى توعىس ەلدى مەكەنى مۇنايبارلاۋشىلار اۋلاسىندا ءوتتى. اقپاراتتىق كەرۋەندە «حالىقتى جۇمىسپەن قامتۋ ورتالىعى» كمم-ءنىڭ ماماندارى, «وتباسى بانكى» جانە «جاستار رەسۋرستىق ورتالىعىنىڭ» ءمو­بيل­دى توپتارى جاستارعا كونسۋل­تا­تسيا­لىق قىز­مەت كورسەتتى. اتاپ ايتقاندا, جۇمىس­سىز جۇرگەن تۇرعىندار مەن جاس مامان­دارعا جۇمىسپەن قامتۋ, تۇرعىن ءۇي جانە كاسىپكەرلىك بويىنشا مەملەكەتتىك باعدارلامالار تۋرالى كەڭىنەن ماعلۇمات بەردى.

«جاستار رەسۋرستىق ورتالىعىنىڭ» باسشىسى ماعجان يساحوۆ شالعاي ەلدى مەكەندەردە ۇيىمداستىرىلىپ جاتقان جوبانىڭ ماقساتى NEET ساناتىنداعى جاستاردىڭ ۇلەسىن تومەندەتۋ ەكەنىن اتاپ ءوتتى.

– بوس جۇمىس ورىندارى جارمەڭكەسى ءتورت اۋدانعا قاراستى شالعايدا ورنالاس­قان ەلدى مەكەندەردىڭ ءبارىن قامتيدى. مەم­لەكەتتىك باعدارلامالار اۋدان تۇر­­­­عىن­دارى مەن جاستار اراسىندا كە­ڭى­نەن ناسيحاتتالىپ, تىزىمگە سايكەس بوس جۇ­­مىس ورىندارى ۇسىنىلادى. جار­مەڭكەدە جاستار ءوز تۇيىندەمەلەرىن ۇسى­­نىپ, جۇمىس بەرۋشى مەكەمەلەرمەن ءوزارا كە­لى­سىمشارت تۇزەدى. ماماندىعى بو­يىن­شا جۇمىس ىزدەپ جۇرگەن جاستارعا «قو­عامدىق جۇمىس», «جاستار پراكتيكاسى» باعدارلامالارى ارقىلى جۇمىس ۇسىنىلادى. جوعارى ءبىلىمى جوق جاستار دا جۇمىسپەن قامتىلادى. ءوزى قالاعان كۋرسقا قاتىسىپ, ءبىلىم الىپ, قولىنا سەرتيفيكات تابىستالادى. سەرتيفيكات العان جاس مامان كەيىن ءوزىنىڭ جەكە كاسىبىن اشا الادى, – دەدى م.يساحوۆ.

وسى رەتتە ايتا كەتكەن ابزال, بيىل قالالىق جۇمىسپەن قامتۋ جانە جاستار رە­سۋرستىق ورتالىقتارى بىرلەسىپ ۇيىم­داستىرعان بوس جۇمىس ورىندارى جار­مەڭ­كەسى ارقىلى 3 400-گە جۋىق جاس مامان تۇراقتى جۇمىسقا ورنالاستى.

شىمكەنت