جول اپاتى 24 قىركۇيەك كۇنى تاڭەرتەڭ سارقان اۋدانى المالى اۋىلىنىڭ ماڭىندا Toyota Hilux اۆتوكولىگىنىڭ قاتىسۋىمەن بولعان, دەپ حابارلايدى Egemen.kz.
«اۆتوكولىك تىزگىنىندە بولعان 38 جاستاعى ەر ادام الماتى – وسكەمەن اۆتوجولىنىڭ 427-شاقىرىمىندا كولىكتى باسقارا الماي قالعان. سالدارىنان كولىك اۋدارىلىپ كەتكەن. وقيعا ورنىندا ءۇش ادام قازا تاپتى. جۇرگىزۋشىنىڭ ءوزى جانە 48 جاستاعى جولاۋشى ءارتۇرلى دەنە جاراقاتتارىمەن اۋداندىق اۋرۋحاناعا جاتقىزىلدى», دەپ جازىلعان Polisia.kz تاراتقان حابارلامادا.
قاجەتتى ساراپتامالار تاعايىندالدى. جول-كولىك وقيعاسى قر قك-ءنىڭ 345-بابى 4-بولىگى بويىنشا تەكسەرىلەدى.