كوشى-قون قىزمەتى قازاقستانعا كەلگەن رەسەيلىكتەردى باقىلاپ وتىر

«قازاقستاندا ميگرانتتاردىڭ كەلۋى مەن بولۋى كوشى-قون باقىلاۋىندا. شەتەلدىكتەردىڭ قازاقستاندا بولۋ ءتارتىبى زاڭمەن رەتتەلەدى. بىردە-ءبىر شەتەل ازاماتى كوشى-قون زاڭناماسىنىڭ تالاپتارىن ورىنداماي, مەملەكەتىمىزدىڭ اۋماعىندا بولۋعا قۇقىعى جوق. ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارى ءۇشىن قازاقستان رەسپۋبليكاسىندا بولۋدىڭ رۇقسات ەتىلگەن مەرزىمى مەملەكەتتىك شەكارادان وتكەن كۇننەن باستاپ, ورتاق ەرەجە بويىنشا 90 كۇننەن كەيىن اياقتالادى. ميگرانتتاردى تىركەۋدى ىشكى ىستەر ورگاندارى قابىلداۋشى تاراپتاردىڭ مالىمەتتەرى مەن قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ شەتەلدىكتەردىڭ كىرۋى مەن شىعۋىن ەسەپكە الاتىن مەملەكەتتىك شەكارا ارقىلى وتكىزۋ پۋنكتتەرىنەن بىرىڭعاي دەرەكقورعا ۋاقىتىلى تۇسەتىن مالىمەتتەرى نەگىزىندە جۇزەگە اسىرادى», دەدى ىىم كوشى-قون قىزمەتى كوميتەتى توراعاسىنىڭ م.ا. اسلان اتالىقوۆ.

ستاتيستيكاعا سۇيەنسەك, بيىل قازاقستانعا 4,3 ملن-عا جۋىق شەتەلدىك كەلسە, 4,1 ملن-ى كەتكەن. ونىڭ ىشىندە 1 660 000 رەسەي فەدەراتسياسىنىڭ ازاماتتارى كەلگەن جانە 1 640 000 كەتكەن.

«ولاردىڭ ۋاقىتشا بولۋى ەسەپتە. ارقايسىسىنىڭ تولقۇجات دەرەكتەرى مەن كىرۋ كۇندەرى, ولار تۋرالى تولىق اقپارات بار. كوشى-قون پروتسەستەرىنە مونيتورينگ جۇرگىزىلۋدە. ىشكى ىستەر ورگاندارى كەلۋشىلەردىڭ بەلگىلەنگەن بولۋ ەرەجەلەرىنىڭ ساقتالۋىن باقىلاۋدا. شەتەلدiكتiڭ ەلدە بولۋ مەرزiمi اياقتالسا, وعان قاتىستى زاڭدا كوزدەلگەن شارالار قولدانىلادى. باقىلاۋ بارىسىندا كوشى-قون زاڭناماسىن بۇزعان 45 700 ادام اكىمشىلىك جاۋاپكەرشىلىككە تارتىلىپ, ونىڭ 4200-ءى ءماجبۇرلى تۇردە قازاقستاننان شىعارىلدى. ونىڭ ىشىندە كوشى-قون زاڭناماسىن بۇزعان 3200 رەسەيلىك جاۋاپقا تارتىلعان. بۇل ەلگە كەلگەن رەسەي فەدەراتسيا ازاماتتارىنىڭ تەك ءنول ءبۇتىن وننان ەكى پايىزىن قۇرايدى. بۇل ستاتيستيكا ولاردىڭ قازاقستاندا بولۋ شارتتارىن ساقتاۋ ءتارتىبىن كورسەتەدى. ەگەر ونى بۇزعان جاعدايدا قازاقستاننان ماجبۇرلەپ شىعارۋ 5 جىل مەرزىمگە ەلىمىزگە قايتا كىرۋگە تىيىم سالۋ تۇرىندەگى قوسىمشا سانكتسيانى قاراستىرادى. سول سياقتى ىشكى ىستەر ورگاندارى شەتەلدىكتەردىڭ قازاقستاندا بولۋ ءتارتىبىنىڭ ساقتالۋىن ۋاقىتشا تۇرۋعا بەرىلگەن رۇقسات نەگىزىندە باقىلايدى», دەدى ا.اتالىقوۆ.

ونىڭ ايتۋىنشا, ۋاقىتشا تۇرۋعا رۇقسات شەتەلدiككە قازاقستان رەسپۋبليكاسىندا زاڭدا كوزدەلگەن ەڭبەك شارتى, وقۋ, ەمدەلۋ جانە باسقا دا جان-جاقتى نەگiزدەردە بولۋ قۇقىعى بەرىلەدى.

«كوشi-قون قىزمەتi ولاردىڭ تۇرعىلىقتى مەكەنجايى, تۇرعىن ءۇيدىڭ يەسى جانە وندا تۇراتىن شەتەلدىكتەر تۋرالى تولىق اقپارات بويىنشا يمميگراتسيالىق باقىلاۋدى قامتاماسىز ەتەدى. شەكارانى زاڭسىز وتۋگە, ەل اۋماعىندا تىركەۋ ءۇشىن قۇجاتتاردى رەسىمدەۋ ءتارتىبىن بۇزۋعا بايلانىستى كەز كەلگەن جاعداي قازاقستان رەسپۋبليكاسىنىڭ زاڭناماسىنا سايكەس جولى كەسىلەدى. قازاقستان رەسپۋبليكاسىنىڭ كوشى-قون قىزمەتى شتاتتىق رەجيمدە جۇمىس ىستەۋدە. شەتەلدىكتەردىڭ, ۋاكىلەتتى مەملەكەتتىك جانە قۇقىق قورعاۋ ورگاندارىنىڭ زاڭدىلىقتى ساقتاۋىن باقىلاۋ جۇزەگە اسىرىلۋدا»,  دەدى ءىىم كوشى-قون قىزمەتى كوميتەتى توراعاسىنىڭ مىندەتىن اتقارۋشى.