بۇل تۋرالى 22 قىركۇيەكتە قىرعىزستان قاۋىپسىزدىك كەڭەسىنىڭ حاتشىسى مارات يمانقۇلوۆ مالىمدەدى, دەپ حابارلايدى Egemen.kz.
«ۇقشۇ ەلدەرى اراسىندا تۋىندايتىن بارلىق ماسەلەلەر بەيبىت جولمەن شەشىلەتىندەي ەرەجە ەنگىزۋ قاجەت. ەگەر بىرەۋ ماسەلەنى كۇشپەن شەشۋگە ۇمىتتەنسە, ونى ۇيىمنان شىعارۋدى ۇسىنامىز. ۇقشۇ-عا مۇشە بولىپ, سىرتقى قاۋىپ-قاتەردەن قورعانۋدى كۇتكەنمەن, ۇيىمنىڭ ىشىندە قانداي دا ءبىر ەلمەن قاقتىعىسقا تاپ بولعان كەزدە بۇل نە ءۇشىن قاجەت؟ ۇقشۇ جارعىسىنان ءبىر-بىرىنە قوقان-لوققى كورسەتەتىن بولىكتەردى الىپ تاستاۋ ءۇشىن قايتا قارايتىن ۋاقىت جەتتى», دەدى مارات يمانقۇلوۆ.
ونىڭ ايتۋىنشا, ۇقشۇ جارعىسىندا مۇشە مەملەكەتتەر اراسىنداعى داۋلاردى رەتتەۋدىڭ ەشقانداي تەتىكتەرى قاراستىرىلماعان. سوندىقتان قىرعىزستان تاراپى باسقالارعا كۇش قولداناتىن ۇيىمعا مۇشە مەملەكەتتى قاتاردان شىعارۋدى ۇسىنادى.
ء«يا, ءبىز بۇل ماسەلەنى كوتەردىك. بىرنەشە رەت كوتەردىك, تاعى دا كوتەرمەكپىز. قاتىسۋشى مەملەكەتتەر اراسىندا تۋىندايتىن ماسەلەلەر بەيبىت جولمەن شەشىلۋى كەرەك», دەپ ناقتىلادى قىرعىزستان قاۋىپسىزدىك كەڭەسىنىڭ حاتشىسى.