تاسمانيانىڭ باتىس جاعالاۋىندا 230-عا جۋىق كيت ارالدىڭ جاعاسىنا شىعىپ كەتتى, دەپ حابارلايدى Egemen.kz Euronews-كە سىلتەمە جاساپ.
تاسمانيا تابيعي رەسۋرستار جانە قورشاعان ورتا دەپارتامەنتىنىڭ مالىمەتى بويىنشا, مۇحيت جاعاجايىنداعى وتار ۇشقىش كيتتەرگە ۇقسايدى جانە ولاردىڭ كەم دەگەندە جارتىسى ءالى ءتىرى دەگەن بولجام بار.
«تەڭىزدى قورعاۋ باعدارلاماسىنىڭ توبى كيتتەردى قۇتقارۋ ءۇشىن قۇرال-جابدىقتاردى جيناپ, ايماققا قاراي بەت الدى», دەپ حابارلادى دەپارتامەنت.
جەرگىلىكتى تۇرعىن اۆستراليانىڭ حابار تاراتۋ كورپوراتسياسىنا ماككۋاري ايلاعىنا كىرە بەرىستە كيتتەردىڭ كورىنگەنىن ايتتى. جەرگىلىكتى بيلىك حالىقتى بۇل جەرلەردەن اۋلاق بولۋعا شاقىردى.
دۇيسەنبى كۇنى تۇستەن كەيىن مەلبۋرن مەن تاسمانيانىڭ سولتۇستىك جاعالاۋى اراسىنداعى باسس بۇعازىنداعى تاسمانيانىڭ كينگ ارالىندا 14 كيت بايقالدى.