بۇل تۋرالى قازاقستان ەلشىسى نۇرباح رۇستەموۆ پەن ساۋدا-ەكونوميكالىق جانە عىلىمي-تەحنيكالىق ىنتىماقتاستىق جونىندەگى قازاقستان-رۋمىنيا ۇكىمەتارالىق كوميسسياسىنىڭ (ۇاك) تەڭ توراعاسى, رۋمىنيانىڭ ەنەرگەتيكا ءمينيسترى ۆيردجيل پوپەسكۋمەن كەزدەسۋ كەزىندە ايتىلدى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
كەلىسسوزدەر بارىسىندا 2022 جىلعى 6-7 قازاندا استانادا وتەتىن ۇاك 16-شى وتىرىسىنىڭ كۇن تارتىبىندەگى وزەكتى ماسەلەلەر تالقىلاندى. شارا اياسىندا تاراپتار ەنەرگەتيكا, اۋىل شارۋاشىلىعى, قارجى, مەديتسينا, كولىك-لوگيستيكا, ءبىلىم جانە عىلىم سالالارىندا ساپالى سەرپىن بەرىپ, جاڭا پەرسپەكتيۆالىق باعىتتاردى اشۋعا نيەت ءبىلدىردى.
سونىمەن قاتار قاتىسۋشىلار ەكى ەل اراسىندا تىكەلەي اۋە قاتىناسىن اشۋ ماسەلەسى بويىنشا ءوزارا ءىس-قيمىلدى تەرەڭدەتۋ, سونداي-اق ەكى ەلدىڭ مەملەكەتتىك ورگاندارى مەن ۇلتتىق كومپانيالارىنىڭ قاتىسۋىمەن ترانسكاسپي حالىقارالىق كولىك باعىتىنىڭ الەۋەتىن اشۋ ءۇشىن جۇك تاسىمالى بويىنشا جۇمىس توبىن قۇرۋ تۋرالى كەلىسىمگە كەلدى.
بۇل رەتتە ەكى ەل كاسىپكەرلەرىنىڭ قاتىسۋىمەن قازاقستان-رۋمىنيا بيزنەس-فورۋمىن دايىنداۋ بارىسى تالقىلاندى.