قازاقستاندا انا ءولىمى ازايدى, الايدا سابيلەردىڭ شەتىنەۋى ءالى دە بەلەڭ الىپ بارادى. بۇل تۋرالى دەنساۋلىق ساقتاۋ ءمينيسترى اجار عينيات ۇكىمەت وتىرىسىندا ايتتى, دەپ حابارلايدى Egemen.kz.
ءمينيستردىڭ ايتۋىنشا, 2022 جىلدىڭ التى ايىندا ەلىمىزدە انا ءولىمىنىڭ كورسەتكىشى 2,4 ەسەگە تومەندەگەن. ەڭ جوعارى كورسەتكىشتەر پاۆلودار, قاراعاندى, قىزىلوردا جانە باتىس قازاقستان وبلىستارىندا بايقالادى.
انا ءولىمىنىڭ جوعارى سەبەپتەرى اراسىندا اكۋشەرلىك اسقىنۋلار 70%-دى , سوماتيكالىق اۋرۋلار 30%-دى قۇراعان.
«وكىنىشكە قاراي, ءسابي ءولىمى ءالى دە جوعارى دەڭگەيدە قالىپ وتىر. 2021 جىلدىڭ ءبىرىنشى جارتىجىلدىعىمەن سالىستىرعاندا نارەستەلەردىڭ شەتىنەۋى 6,5%-عا ءوستى. ەڭ جوعارى كورسەتكىشتەر شىمكەنت, قوستاناي, باتىس قازاقستان, سولتۇستىك قازاقستان جانە قىزىلوردا وبلىستارىندا تىركەلدى», دەدى ا.عينيات.
ۆەدومستۆو باسشىسىنىڭ ايتۋىنشا, 60%-دىق جاعدايدا شالا تۋىلعان نارەستەلەر شەتىنەيدى.