جوعارعى سوتتىڭ ازاماتتىق ىستەر جونىندەگى سوت القاسىنىڭ توراعاسى نۇرسەرىك ءشارىپوۆ ءوڭىردىڭ سۋديالار كورپۋسىنا جەتىسۋ وبلىستىق سوتىنىڭ توراعاسى ەرجان كەنەنباەۆتى تانىستىردى. بۇعان دەيىن ول الماتى قالالىق سوتىنىڭ سۋدياسى قىزمەتىن اتقارعان, دەپ حابارلايدى Egemen.kz جوعارعى سوتتىڭ ءباسپاسوز قىزمەتىنە سىلتەمە جاساپ.
كەزدەسۋگە وبلىس اكىمى بەيبىت يساباەۆ پەن ءوڭىردىڭ مەملەكەتتىك جانە قۇقىق قورعاۋ ورگاندارىنىڭ ءبىرىنشى باسشىلارى قاتىستى.
ن.ءشارىپوۆ ە.كەنەنباەۆ تۋرالى ايتا كەلە, ونىڭ 15 جىلدىق سۋديالىق ەڭبەك ءوتىلى مەن زاڭگەر رەتىندەگى مول تاجىريبەسىن اتاپ ءوتتى. جيىن سوڭىندا سپيكەر ءوڭىردىڭ سۋديالار كورپۋسىنىڭ الدىنا جوعارعى سوتتىڭ جوبالارىن ىسكە اسىرۋ بويىنشا بىرقاتار مىندەت جۇكتەدى.
ەرجان ابدىراقىم ۇلى كەنەنباەۆ 1964 جىلى الماتى وبلىسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.
1992-2007 جىلدارى الماتى قالاسىنىڭ پروكۋراتۋرا ورگاندارى مەن ءتۇرلى مەكەمەلەردە زاڭگەر بولىپ قىزمەت اتقارعان.
2007-2014 جىلدارى – الماتى وبلىسى پانفيلوۆ اۋداندىق سوتىنىڭ سۋدياسى.
2014 جىلدان وسى تاعايىنداۋعا دەيىن – الماتى قالالىق سوتىنىڭ سۋدياسى لاۋازىمىندا بولدى.