بىرىككەن اراب امىرلىكتەرىنە العاشقى رەسمي ساپارى اياسىندا قر ۇكىمەت باسشىسى ءاليحان سمايىلوۆتىڭ ء«ال-يتتيحاد» گازەتىندە سۇحباتى جارىق كوردى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
قر پرەمەر-ءمينيسترى ەكى ەل اراسىنداعى ىنتىماقتاستىقتى نىعايتۋدىڭ نەگىزگى باعىتتارىنا توقتالىپ, ساۋدا-ەكونوميكالىق جانە ينۆەستيتسيالىق ءوزارا ءىس-قيمىلدىڭ ءوسۋ قارقىنى تۋرالى ايتتى.
«ەكونوميكانىڭ ءتۇرلى سەكتورلارىندا ءوزارا ءتيىمدى مۇمكىندىكتەردىڭ بارىن كورىپ وتىرمىز جانە بىرلەسكەن جوبالاردى جۇزەگە اسىرۋعا ەكى ەلدىڭ ىسكەر توپتارىن ىنتالاندىرۋعا نيەتتىمىز», دەدى ول.
سونىمەن قاتار ءاليحان سمايىلوۆ قازاقستاننىڭ ۇلتارالىق كەلىسىمدى نىعايتۋ جانە COVID-19 پاندەمياسىنىڭ ەكونوميكالىق سالدارىمەن كۇرەس جونىندەگى قادامدارى تۋرالى ايتىپ بەردى.
ايتا كەتەيىك, ء«ال-يتتيحاد» - ءباا-دە اراب تىلىندە كۇن سايىن شىعاتىن باسىلىم. تارالىمى 100 000 دانادان اسادى. العاشقى سانى 1969 جىلى شىققان, ال 1972 جىلدان باستاپ كۇن سايىن جارىق كورەدى.