«تەمەكى پاتشالارى» ۇلت دەنساۋلىعىنا زيان كەلتىرەدى

«قازالكوتەمەكى» قاۋىمداستىعىنىڭ باسشىسى ءامىرجان قاليەۆ قوعامدا بەلەڭ العان بۇل ماسەلەگە تۇسىنىكتەمە بەردى. ونىڭ ايتۋىنشا, نارىقتا جاساندى كوشىرمەلەردىڭ پايدا بولۋى تەمەكى وندىرۋشىلەر تاراپىنان لوببيزمگە بايلانىستى ويلاستىرىلماعان رەتتەۋلەرمەن بايلانىستى.

ايتا كەتسەك, بيىل ماجىلىستە قىزدىرىلاتىن تەمەكى بۇيىمدارعا اكتسيزدەردى 3,5 ەسە كوتەرۋ تۋرالى شەشىم قابىلداندى.

«قىزدىرىلاتىن تەمەكى بۇيىمدارى قاراپايىم تەمەكىگە قاراعاندا دەنساۋلىققا الدەقايدا از زيان كەلتىرەدى. سەبەبى تەمەكىنىڭ مۇنداي تۇرىنەن ءتۇتىن شىقپايدى. شىلىمعا اۋەس قازاقستاندىقتار بۇل مەديتسينالىق فاكتىنى بۇرىننان تەكسەرە باستاعان. قازاقستاندىق تەمەكى نارىعىندا قتب اينالىمى 1,5-تەن 12 پايىزعا دەيىن وسكەنى دە وسىعان بايلانىستى», دەدى ا.قاليەۆ.

الايدا «تەمەكى پاتشالارى» دا ساتىلىمدى جوعالتقىسى كەلمەيتىنى انىق. ءا.قاليەۆتىڭ پىكىرىنشە, تەمەكى ودىرۋشىلەرىنىڭ مۇددەلەرى ۇلت دەنساۋلىعىنا قايشى كەلەدى.

«بۇل تۇزەتۋلەردىڭ قابىلدانۋى قازاقستاندا ءداستۇرلى تەمەكى وندىرۋشىلەردىڭ تۇراقتى ءلوببيىنىڭ قالىپتاسقانىن تاعى دا دالەلدەيدى», دەدى «قازالكوتەمەكى» باسشىسى.

ونىڭ ايتۋىنشا, دەپۋتاتتاردىڭ بەلگىلى ءبىر توبى ۆەيپتىڭ قتب-دان ايىرماشىلىعىن تۇسىنبەي, قوعامدىق تالقىلاۋسىز جانە بيزنەس-قوعامداستىقتىڭ كەلىسىمىنسىز اكتسيزدەرى كوتەرۋ شەشىمىن قابىلدادى.

ءا.قاليەۆتىڭ باعالاۋى بويىنشا, بۇل تۇزەتۋلەر ارقىلى بيۋدجەتكە قوسىمشا 49 ملرد تەڭگە كولەمىندە قارجى ءتۇسىپ قانا قويماي, قىزدىرىلاتىن تەمەكى ساتىلىمى دا تومەندەيدى. بىراق قالتاسى قتب باعاسىن كوتەرمەيتىن تەمەكى شەگۋشىلەر ارزان كونترافاكتىلىك ونىمدەردى ساتىپ الۋ ارقىلى وزدەرىن ءارى قاراي ۋلاندىرا بەرەدى.

بۇل رەتتە ساراپشى ماجىلىسمەندەرگە ۇلت دەنساۋلىعى ماسەلەسىن ويلايتىن دامىعان ەلدەردىڭ كەيستەرىنە نازار اۋدارۋدى ۇسىنادى. ماسەلەن, ۇلىبريتانيا مەن جاپونيادا قتب اكتسيزىنىڭ ءداستۇرلى تەمەكىگە قاتىناسى 30-40% ارالىعىندا بەلگىلەنگەن. وسىنىڭ ارقاسىندا اتالعان ەلدەردە تەمەكى قتب-عا قاراعاندا قىمباتىراق, ال تەمەكى شەگۋشىلەر زيانى ازىراق ءتۇتىنسىز گادجەتتەردى تاڭدايدى.