كەشە تاريحتاعى ەڭ كۇشتى تايفۋنداردىڭ ءبىرى جاپونيانىڭ وڭتۇستىك بولىگىندە باستالدى, دەپ حابارلايدى Egemen.kz BBC News-كە سىلتەمە جاساپ.
كەشە كەشكى ۋاقىتتا كاگوسيما قالاسى ماڭىنداعى كيۋسيۋ ارالىندا «نانمادول» تايفۋنى باستالدى.
تايفۋن ايماعىنداعى جەلدىڭ ەكپىنى ساعاتىنا 234 كم-گە دەيىن جەتەدى. جاپون مەتەورولوگيالىق قىزمەتىنىڭ مالىمەتىنشە, كەي جەرلەردە شامامەن 500 مم جاۋىن-شاشىن تۇسكەن. بۇرىن-سوڭدى بولماعان مۇنداي نوسەر جاۋىن سۋ تاسقىنى, سەل جانە كوشكىنگە قاۋىپ ءتوندىرىپ وتىر.
بيلىك 4 ميلليونعا جۋىق ادامدى قاۋىپسىز جەرلەرگە كوشىرۋگە شاقىردى. كيۋسيۋگە قاتىنايتىن پويىزدار, پارومدار مەن رەيستەر توقتاتىلدى. تايفۋن سالدارىنان 200 مىڭعا جۋىق ءۇي جارىقسىز قالدى.
جاپونيا پرەمەر-ءمينيسترى فۋميو كيسيدا ادامداردى كەز-كەلگەن قاۋىپتى ايماقتاردان تەز ارادا ەۆاكۋاتسيالاۋعا شاقىرعان ارنايى مالىمدەمە جاسادى.
«تۇندە ەۆاكۋاتسيالاۋ وتە قاۋىپتى. كۇن باتقانعا دەيىن قاۋىپسىز جەرلەرگە ەۆاكۋاتسيالاۋعا شاقىرامىن», دەلىنگەن حابارلامادا.