«AMANAT» پارتياسىنىڭ قولداۋىمەن « ۇلى دالا جورىعى» اتتى تۇڭعىش رەسپۋبليكالىق مارافون-بايگە باستالدى. 100-دەن استام شاباندوز قازاقستاننىڭ كيەلى جەرلەرىن ارالاپ, ەلوردادان تۇركىستانعا دەيىنگى 1200 شاقىرىم قاشىقتىقتى باسىپ وتەدى, دەپ حابارلايدى Egemen.kz.
بۇگىن «AMANAT» پارتياسىنىڭ توراعاسى ەرلان قوشانوۆ « ۇلى دالا جورىعى» رەسپۋبليكالىق ات مارافونىنىڭ باستالۋىنا ارنالعان سالتاناتتى راسىمگە قاتىستى.
ول ەل پرەزيدەنتى قاسىم-جومارت توقاەۆتىڭ قۇتتىقتاۋ ءسوزىن وقىپ بەردى.
ء«بىزدىڭ بابالارىمىز ۇلى دالا شەجىرەسىن تۇلپاردىڭ تۇياعىمەن جازعان. بۇگىنگى ۇرپاق – سول كوشپەندىلەر مادەنيەتىنىڭ زاڭدى مۇراگەرى. شىن مانىندە, قازاق پەن جىلقى ەگىز ۇعىم. ارعىماق اتتى حالقىمىزدىڭ سيمۆولى دەۋگە بولادى. ءبىز قازىرگى زاماننىڭ جاقسى قاسيەتتەرىن بويعا سىڭىرە وتىرىپ, ۇلتتىق بولمىسىمىزدى جاڭعىرتۋعا ءتيىسپىز. بۇگىنگى بايگەنىڭ باستى ماقساتى وسى. ءار وڭىردەن كەلگەن شاباندوزدار كەڭ بايتاق قازاق دالاسىن كوكتەي ءوتىپ, قاسيەتتى تۇركىستان قالاسىنا ات باسىن تىرەيدى. بۇل – ناعىز ازاماتتار مەن قازاناتتار سىنالاتىن دودا. سونداي-اق ەلىمىزگە رۋحاني سەرپىلىس اكەلىپ, جاستاردى وتانشىلدىققا باۋليتىن بىرەگەي جوبا», دەلىنگەن مەملەكەت باسشىسىنىڭ قۇتتىقتاۋىندا.
مارافونعا قاتىسۋشىلارعا ارناعان سوزىندە پارتيا توراعاسى «AMANAT» الداعى ۋاقىتتا دا ات سپورتى تۇرلەرى مەن باسقا دا ۇلتتىق سپورت باعىتتارىن ناسيحاتتاۋعا جانە دامىتۋعا اتسالىساتىنىن اتاپ ءوتتى.
«پرەزيدەنتىمىزدىڭ باستاماسىمەن قازىر ەلىمىزدە اۋقىمدى وزگەرىستەر بولىپ جاتىر. ءبىز ادىلەتتى قازاقستانعا باستايتىن جولدىڭ باستاۋىندا تۇرمىز. بۇگىنگى جورىقتىڭ وسىنداي تاريحي كەزەڭمەن تۇسپا-تۇس كەلۋىنىڭ ۇلكەن سيمۆولدىق ءمانى زور. ءبىزدىڭ ۇلان-عايىر جەرىمىز بار. سول كەڭ بايتاق جەردى كەسىپ ءوتۋ – ول جىگىتتىڭ جىگىتىنىڭ عانا قولىنان كەلەتىن جانە اتتىڭ اتى عانا شىدايتىن ۇزاق جول. سوندىقتان جورىتقاندا جولدارىڭىز بولسىن»,دەدى ەرلان قوشانوۆ ءوز سوزىندە.
اشىلۋ سالتاناتىنا مادەنيەت جانە سپورت ءمينيسترى داۋرەن اباەۆ, قالا اكىمى التاي كولگىنوۆ, پارلامەنت دەپۋتاتتارى مەن قوعام قايراتكەرلەرى قاتىستى.
ۇيىمداستىرۋشىلاردىڭ ايتۋىنشا, الەمدىك تاجىريبەدە تەڭدەسى جوق بۇل مارافون شاباندوز مادەنيەتىن قازاقستان برەندى رەتىندە قالىپتاستىرۋعا نەگىز بولادى.
18-29 قىركۇيەك ارالىعىندا مارافونشىلار ەلوردادان تۇركىستان قالاسىنا دەيىن 1200 شاقىرىمنان اسا قاشىقتىقتى باسىپ وتەدى. مارافون 100 شاقىرىمدىق 12 ساتىعا بولىنگەن. ەلىمىزدىڭ ءاربىر وڭىرىنەن مارافونعا 1 كوماندادان قاتىسادى. مارافونعا قاتىسۋشىلارعا ۇلى دالا رۋحىن سەزىنۋگە جانە تۇركىلەردىڭ كيەلى جەرلەرى – جوشى حان, الاشا حان كەسەنەلەرى, سونداي-اق قازاق حاندىعىنىڭ العاشقى استاناسى سوزاق قالاسى پەن تۇركى رۋحانياتىنىڭ بەسىگى تۇركىستان قالاسى سياقتى تاريحي ورىندارعا زيارات جاساۋعا مۇمكىندىك تۋادى.
سوڭعى مەجە – تۇركىستان قالاسىنا دەيىن ەڭ قىسقا ۋاقىت ىشىندە جەتكەن كوماندا مۇشەلەرى باس جۇلدە – « ۇلى دالا ساربازى» اتاعى مەن 30000000 تەڭگە كولەمىندەگى جۇلدەمەن ماراپاتتالادى. 2-ءشى جانە 3-ءشى ورىن يەگەرلەرى سايكەسىنشە 20000000 تەڭگە جانە 15000000 تەڭگە جۇلدەنى قانجىعاعا بايلايدى.
جارىس بارىسىندا بارلىق قاتىسۋشىلار دەمالىس ورىنى, ازىق-ت ۇلىكپەن جانە قاجەتتى مەديتسينالىق كومەكپەن قامتاماسىز ەتىلەدى.
مارافون-بايگەنى «AMANAT» پارتياسى, «The Great Steppe Tour» قوعامدىق قورى مەن ۇلتتىق سپورت تۇرلەرى قاۋىمداستىعى, قر مادەنيەت جانە سپورت مينيسترلىگى ۇيىمداستىردى.