قاراعاندى وبلىسىندا ءدىندار ايەلدەر اراسىنداعى ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ جۇمىستارى ۇيىمداستىرىلدى, دەپ حابارلايدى Egemen.kz.
قر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا وسى جىلعى 5-9 قىركۇيەكتە قاراعاندى وبلىسىندا وبلىسىندا ايەلدەر اراسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارى قازاقستاندىق قوعامنىڭ ءداستۇرلى, مادەني جانە وتباسىلىق قۇندىلىقتارىن نىعايتۋعا باعىتتالعان ءدىني – اعارتۋشىلىق جۇمىستى ۇيىمداستىرۋ, سونىمەن قاتار حالىقتىق ايەل ءدىندارلارى اراسىندا ءدىني ەسترەميزمنىڭ تارالۋىن الدىن الۋعا باعىتتىلعان رۋحاني-اعارتۋ جۇمىسىن ۇيىمداستىرۋ شەڭبەرىندە جەرگىلىكتى تۇرعىندارمەن بىرقاتار ءىس-شارا مەن كەزدەسۋ ءوتتى.
بۇل كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – ءادىلحانوۆا ە.ق., قوجاحمەتوۆا ت.ز., قاناپيا ت.ز., بيسەمباەۆا ر.ب. تارتىلدى.
راتت مۇشەلەرىنىڭ قاتىسۋىمەن قاراعاندى قالاسىنىڭ يندۋستريالىق, قازتۇتىنۋوداعى, ە.بوكەتوۆ اتىنداعى, ۋنيۆەرسيتەت ستۋدەنتتەرىمەن, ابىلقاس ساعىنوۆ اتىنداعى «قاراعاندى تەحنيكالىق ۋنيۆەرسيتەتى» كەاق, تەمىرتاۋ جوعارى مەديتسينالىق كوللەدجىنىڭ ستۋدەنت قىزدارىمەن, قاراعاندى تەمىرتاۋ قالاسىنىڭ ورتالىق مەشىتى ءاليحان بوكەيحان ءدىندار ايەلدەرىمەن, امانات پارتيا كاسىپكەر ايەلدەرىمەن, اباي قالالىق مەشىتىنىڭ ايەل جاماعاتىمەن قاراعاندى وبلىسى ءبىلىم باسقارماسىنىڭ وساكاروۆ اۋدانى ءبىلىم ءبولىمىنىڭ «№1 تىرەك مەكتەبىنىڭ (رەسۋرستىق ورتالىعى)» كمم مۇعالىمدەرىمەن, وساكاروۆ اۋدانىق تاريحي-ولكەتانۋ مۇراجايىنىڭ ءدىندار ايەلدەرىمەن, «قر II قاجك «اك-159/9 مەكەمەسى» رمم جازاسىن وتەۋشى ايەلدەرىمەن, ساران قالاسى ءبىلىم ءبولىمىنىڭ «اباي اتىنداعى جالپى ءبىلىم بەرەتىن مەكتەبى» كمم-ءنىڭ مۇعالىمدەرىمەن, «قاراعاندى وبلىسىنىڭ ءدىن ىستەرى باسقارماسى» مم اۋدان جانە قالاداعى ماماندارىمەن, قاراعاندى وبلىسىنىڭ انەت بابا ورتالىق مەشىتىنىڭ ايەل جاماعاتىمەن كەزدەسۋ جانە ت.ب. ءىس-شارالارى ۇيىمداستىرىلدى.
وتكەن ءىس-شارالاردا وڭىرلەردىڭ تۇرعىندارىنا قازاقستاندا تۇراتىن بارلىق كونفەسسيالار مەن ەتنوستاردىڭ بەيبىت ءوزارا ءىس-قيمىلىمەن قاتار ءومىر سۇرۋىنە, قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپاراتتار بەرىلدى.
ساراپشىلار ءدىننىڭ رۋحاني-ادامگەرشىلىك قۇرامداس بولىگى ماسەلەلەرىنە, قازىرگى قازاقستاندىق قوعامداعى ايەلدەردىڭ ءرولى مەن الەۋمەتتىك مارتەبەسىن ارتتىرۋعا, سونداي-اق دەسترۋكتيۆتى ءدىني اعىمداردىڭ اسەرىنە قارسى تۇرۋ شارالارىنا ەرەكشە نازار اۋداردى.
تىڭداۋشىلار تاراپىنان دا راتت مۇشەلەرىنە بىرقاتار سۇراق قويىلىپ, تۇششىمدى جاۋاپتار الىندى.