قازاقستاندىق تەننيسشى ەلەنا رىباكينا سلوۆەنيانىڭ پورتوروجە قالاسىندا ءوتىپ جاتقان حالىقارالىق ءتۋرنيردىڭ شيرەك فينالىنا شىقتى.
تۇساۋكەسەر كەزدەسۋىندە گەرمانيالىق لاۋرا زيگەمۋندتان باسىم تۇسكەن جەرلەسىمىز ەكىنشى كەزەڭدە WTA تىزىمىندە 66-ورىندا تۇرعان 27 جاستاعى چەحيالىق تەرەزا مارتينتسوۆامەن كەزدەستى. بۇل باسەكەدە ەلەنانىڭ باسىمدىعى ەش كۇمان تۋعىزعان جوق. ەكى سەتتىك سايىس 6:4, 6:1 ەسەبىمەن اياقتالدى. ەندى ول ۇزدىكتەر تىزىمىندە 92-ورىندى ەنشىلەگەن ۋكراينانىڭ ويىنشىسى لەسيا تسۋرەنكومەن كەزدەسەدى.
ال تۇركيانىڭ ىستانبۇل قالاسىنداعى «چەلەندجەر» تۋرنيرىندە قازاق تەننيسشىسى بەيبىت جۇقاەۆ تابىستى ونەر كورسەتۋدە. العاشقى اينالىمدا كورت قوجايىنى جەنگيز اكسۋدان ايلاسىن اسىرعان ول كەلەسى كەزەڭدە يسپانيالىق نيكولاس الۆارەس ۆاروندى 6:4, 6:1 ەسەبىمەن ۇتتى.