جەتىسۋ وبلىسىندا موتوتسيكل مىنگەن 14 جاستاعى ءجاسوسپىرىم جول اپاتىنان قازا تاپتى, دەپ حابارلايدى Egemen.kz polisia.kz سايتىنا سىلتەمە جاساپ.
اتالعان وقيعا 14 قىركۇيەك كۇنى كەربۇلاق اۋدانى تالدىبۇلاق اۋىلىندا بولعان. الدىن الا انىقتالعانداي, 14 جاستاعى مەكتەپ وقۋشىسى موتوتسيكل تىزگىندەپ كەلە جاتىپ, قوسالقى كوشەدەن باستى كوشەگە شىعىپ كەتكەن. وسى ساتتە ول Nissan Maxima كولىگىمەن سوقتىعىسقان. بالا اۋىر جاراقات الىپ, وقيعا ورنىندا كوز جۇمدى. قازىر پوليتسەيلەر جول اپاتىنىڭ ءمان-جايىن انىقتاپ جاتىر.
جول-كولىك وقيعاسى بويىنشا قاجەتتى ساراپتامالار تاعايىندالىپ, قازاقستان رەسپۋبليكاسى قىلمىستىق كودەكسىنىڭ 345-بابىندا كوزدەلگەن سوتقا دەيىنگى تەرگەۋ باستالدى.