17 قىركۇيەك پەن 15 قازان ارالىعىندا قىسقى كەزەڭگە دايىندىق جانە جاسىل جەلەكتەردى وتىرعىزۋ بويىنشا «بىرگە تازا قازاقستان» جالپىقالالىق كۇزگى ەكوايلىق وتەدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
جىل سايىن وتكىزىلەتىن ەكويلىقتا كوممۋنالدىق قىزمەتتەر مەن مەردىگەرلىك ۇيىمدار قوعامدىق اۋماقتاردى كوگالداندىرۋ جانە اباتتاندىرۋ, كوگالداندىرۋ وبەكتىلەرىن (ساياباقتار, سكۆەرلەر, اللەيالار) جوندەۋ جانە قالپىنا كەلتىرۋ, كۆارتالىشىلىك اباتتاندىرۋ, بالالاردىڭ ويىن جانە سپورت الاڭدارىن جابدىقتاۋ, توسەلگەن تاستاردى, جيەكتاستاردى, شاعىن ساۋلەت نىساندارىن قالپىنا كەلتىرۋ, كوپىرلەر مەن جول وتپەلەرىنىڭ قۇرىلىمدارىن, قورشاۋلارىن جۋ, ايالدامالارداعى پاۆيلونداردى جوندەۋ جانە تازالاۋ, كونتەينەر الاڭدارى مەن قوقىس كونتەينەرلەرىن سانيتارلىق تازالاۋ جۇمىستارىن جۇرگىزەدى.
ەكولوگيالىق ايلىق اياسىندا 10 مىڭنان اسا جاسىل جەلەك وتىرعىزۋ جوسپارلانعان.
ايتا كەتسەك, 17 قىركۇيەك كۇنى ەلوردادا جىل سايىنعى «دۇنيەجۇزىلىك تازالىق كۇنى» ەكولوگيالىق اكتسياسى اياسىندا جالپىقالالىق سەنبىلىك وتەدى.
اكتسيانىڭ ماقساتى - قوعام نازارىن تابيعاتتى ساقتاۋدىڭ ماڭىزدىلىعىنا اۋدارۋ جانە ەكولوگيالىق مادەنيەتتى قالىپتاستىرۋ.